Mohanlal in Vrushabha | അച്ഛൻ വേഷത്തിൽ മോഹൻലാൽ അഭിനയിക്കുന്ന ബഹുഭാഷാ ചിത്രം 'വൃഷഭ' 2023ൽ തുടങ്ങും

advertisement

നന്ദ കിഷോർ സംവിധാനം ചെയ്യുന്ന ബഹുഭാഷാ ചിത്രം നിർമ്മിക്കുന്നത് അഭിഷേക് വ്യാസ്, പ്രവീർ സിംഗ്, ശ്യാം സുന്ദർ എന്നിവർ ചേർന്നാണ്. ചിത്രം 2023 മെയ് മാസത്തിൽ ചിത്രീകരണം ആരംഭിക്കുമെന്നും, 2024 ൽ തീയറ്ററുകളിൽ എത്തുമെന്നും പ്രതീക്ഷിക്കുന്നു. മലയാളം, തെലുങ്ക്, തമിഴ്, കന്നഡ, ഹിന്ദി ഭാഷകളിൽ റിലീസ് ചെയ്യും.

കഴിഞ്ഞ അഞ്ച് വർഷമായി താൻ 'വൃഷഭ' എഴുതുന്നുണ്ടെന്നും ഇപ്പോൾ മെഗാസ്റ്റാർ മോഹൻലാലിനൊപ്പം അത് സ്‌ക്രീനിലെത്തിക്കാനുള്ള ആവേശത്തിലാണെന്നും സംവിധായകൻ കിഷോർ പങ്കുവെച്ചു. ഓരോ നല്ല സിനിമയുടെയും കാതൽ, വ്യക്തികളുമായി ബന്ധപ്പെടുന്ന കഥാപാത്രങ്ങളാണ്. സിനിമ കണ്ടതിന് ശേഷവും വർഷങ്ങളോളം അത് ഒപ്പം നിൽക്കുമെന്നും അദ്ദേഹം പ്രസ്താവനയിൽ പറഞ്ഞു. 'മോഹൻലാൽ സാറിനൊപ്പം പ്രവർത്തിക്കുക എന്നത് ഒരു സ്വപ്ന സാക്ഷാത്കാരമാണ്, സിനിമ തിയറ്ററുകളിൽ എത്തിക്കാൻ ഞാൻ ആവേശത്തിലാണ്,' സംവിധായകൻ പറഞ്ഞു.

മുൻ നെറ്റ്ഫ്ലിക്സ് എക്സിക്യൂട്ടീവ് അഭിഷേക് വ്യാസ് സ്ഥാപിച്ച പ്രൊഡക്ഷൻ ഹൗസായ എവിഎസ് സ്റ്റുഡിയോയുടെ ആദ്യ പ്രോജക്ടാണ് വൃഷഭ.

Summary: Mohanlal starring multi-lingual movie Vrushabha to kick off in 2023. An official announcement was made on Twitter a couple of days ago. Mohanlal is supposedly doing father role to a popular, yet-to-be-revealed Telugu actor