കുഞ്ഞിരാമായണം ഒരു 'ഹൊറർ' ചിത്രമായിരുന്നെങ്കിലോ? വൈറലായി പുതിയ ട്രെയിലര്‍

മുഴുനീള കോമഡി സിനിമയെ ഹൊറർ ചിത്രത്തിന്റെ ട്രെയിലറെന്ന് തോന്നിക്കുന്ന രീതിയിലാണ് എഡിറ്റ് ചെയ്തിരിക്കുന്നത്

സംവിധായകന്‍ ബേസില്‍ ജോസഫിന്‍റെ ആദ്യ ചിത്രമായിരുന്നു കുഞ്ഞിരാമായണം. വിനീത് ശ്രീനിവാസന്‍, ധ്യാന്‍ ശ്രീനിവാസന്‍, ബിജു മേനോന്‍, അജു വര്‍ഗീസ് തുടങ്ങിയ താരനിരയുമായി ഇറങ്ങിയ സിനിമ പൂർണമായും ഒരു കോമഡി ചിത്രമായിരുന്നു. സിനിമ പുറത്തിറങ്ങി വര്‍ഷങ്ങൾക്ക് ശേഷം വീണ്ടും കുഞ്ഞിരാമായണം സമൂഹമാധ്യമങ്ങളില്‍ ചര്‍ച്ച ചെയ്യപ്പെടുകയാണ്.

മുഴുനീള കോമഡി സിനിമയായ കുഞ്ഞിരാമായണത്തെ ഒരു ഹൊറർ ചിത്രത്തിന്റെ ട്രെയിലറെന്ന രീതിയിലാണ് എഡിറ്റ് ചെയ്തിരിക്കുന്നത്. അരുണ്‍ പിജിയാണ് വീഡിയോ എഡിറ്റ് ചെയ്ത് പുറത്ത് വിട്ടിരിക്കുന്നത്. പുതിയ ട്രെയിലർ സമൂഹമാധ്യമങ്ങളിൽ ഇതിനോടകം വൈറലായി കഴിഞ്ഞു.