'കോവിഡ് കൈകാര്യം ചെയ്യുന്നതിൽ വീഴ്ച' ട്രംപിനെതിരെ ആഞ്ഞടിച്ച് ബരാക്ക് ഒബാമ

ന്യൂയോർക്ക്: കോവിഡ് 19 മഹാമാരി കൈകാര്യം ചെയ്യുന്നതിൽ വീഴ്ചയുണ്ടെന്ന് ആരോപിച്ച് അമേരിക്കൻ പ്രസിഡന്‍റ് ഡൊണാൾഡ് ട്രംപിനെതിരെ മുൻ പ്രസിഡന്റ് ബരാക് ഒബാമ രംഗത്തെത്തി. തന്റെ ഭരണത്തിലെ മുൻ അംഗങ്ങളുമായി വെള്ളിയാഴ്ച രാത്രി നടത്തിയ വെബ് കോളിലാണ് ഒബാമ വിമർശനം ഉന്നയിച്ചത്. യാഹൂ ന്യൂസ് ഈ ഫോൺ ഓഡിയോ പുറത്തുവിട്ടത്. നവംബറിലെ പ്രസിഡന്റ് തിരഞ്ഞെടുപ്പിൽ ട്രംപിനെ നേരിടാൻ തയ്യാറെടുക്കുമ്പോൾ ജോ ബിഡന്റെ പിന്നിൽ അണിനിരക്കാൻ തന്നോടൊപ്പം ചേരണമെന്ന് മുൻ ഉദ്യോഗസ്ഥരോട് ഒബാമ അഭ്യർത്ഥിക്കുന്നുണ്ട്.