Samrat Prithviraj | അക്ഷയ് കുമാറിന്റെ 'സാമ്രാട്ട് പൃഥ്വിരാജ്' ബോക്സ് ഓഫിസ്: രണ്ടാം ദിനം മെട്രോ നഗരങ്ങളിൽ നിന്നും 23.30 കോടി കളക്ഷൻ

രണ്ടാം ദിവസം, അതായത് ശനിയാഴ്ച, സാമ്രാട്ട് പൃഥ്വിരാജ് ബോക്‌സ് ഓഫീസിൽ 12.60 കോടി നേടി. അതിന്റെ ആദ്യ ദിന കളക്ഷനുമായി (10.70 കോടി) ചേർന്ന്, ആകെ കളക്ഷൻ ഇപ്പോൾ Rs. 23.30 കോടി ആയിട്ടുണ്ട്. ട്രേഡ് അനലിസ്റ്റ് തരൺ ആദർശ് സൂചിപ്പിക്കുന്നത് പ്രകാരം, മിക്ക മെട്രോ നഗരങ്ങളിലും ചിത്രത്തിന്റെ വളർച്ച പരിമിതമാണെന്നും, ആദ്യ വാരാന്ത്യത്തിൽ ‘ആരോഗ്യകരമായ’ കളക്ഷൻ ആവശ്യമാണ് എന്നുമാണ്. ട്വീറ്റ് ചുവടെ കാണാം:

മറുവശത്ത്, ഭൂൽ ഭുലയ്യ 2 ഇപ്പോഴും ശക്തമായി തുടരുകയാണ്. മൂന്നാം ശനിയാഴ്ചയും ചിത്രത്തിന് മികച്ച കളക്ഷൻ നേടാനായി (4.55 കോടി). ചിത്രം ഇതിനോടകം 149.11 കോടി കളക്ഷൻ നേടിയിട്ടുണ്ട്. ഇന്ന് ഇത് 150 കോടി കടക്കും.

കമൽഹാസന്റെ 'വിക്രം', അദിവി ശേഷ് നായകനായ 'മേജർ' സിനിമകളിൽ നിന്നും കനത്ത മത്സരമാണ് 'സാമ്രാട്ട് പൃഥ്വിരാജ്' നേരിടുന്നത്.

'സാമ്രാട്ട് പൃഥ്വിരാജ്', മാനുഷി ചില്ലറിന്റെ ബോളിവുഡിലെ അരങ്ങേറ്റം കുറിച്ച സിനിമയാണ്. കൂടാതെ സോനു സൂദ്, മാനവ് വിജ്, അശുതോഷ് റാണ എന്നിവരും പ്രധാന വേഷങ്ങളിൽ അഭിനയിച്ചു.

Summary: Samrat Prithviraj, movie starring Akshay Kumar and Manushi Chillar in key roles opens to a slow collection at the box office