ഹാസ്യവേഷങ്ങളില്‍ മാത്രം പ്രേക്ഷകര്‍ കണ്ടുശീലിച്ച വടിവേലുവിന്‍റെ കരിയറിലെ സുപ്രധാന കഥാപാത്രമായിരിക്കും മാമന്നിലേത്. ഒപ്പം ഫഹദ് ഫാസിലിന്‍റെയും ഉദയ് നിധി സ്റ്റാലിന്‍റെയും കീര്‍ത്തി സുരേഷിന്‍റെയും ശ്രദ്ധേയമായ പ്രകടനം സിനിമയിലുടനീളം ഉണ്ടാകുമെന്ന സൂചനയാണ് ട്രെയിലറില്‍ നിന്ന് ലഭിക്കുന്നത്. തമിഴ്നാട്ടിലെ ജാതി രാഷ്ട്രീയം പ്രമേയമാക്കിയ തന്റെ മുന്‍ സിനിമകളോട് ചേര്‍ത്തുവെക്കാവുന്ന കഥാപശ്ചാത്തലമാണ് മാരിസെല്‍വരാജ് മാമന്നിലും സ്വീകരിച്ചിരിക്കുന്നു എന്നാണ് ട്രെയിലര്‍ വ്യക്തമാക്കുന്നത്.
ഓസ്കാർ ജേതാവ് എ ആർ റഹ്മാനാണ് ചിത്രത്തിന്റെ സംഗീത സംവിധാനം നിർവഹിച്ചിരിക്കുന്നത്. ഉദയ് നിധി സ്റ്റാലിന്‍റെ ഉടമസ്ഥതയിലുള്ള പ്രശസ്‌ത പ്രൊഡക്ഷൻ ആൻഡ് ഡിസ്ട്രിബൂഷൻ കമ്പനി ആയ റെഡ് ജയന്റ് ആണ് ചിത്രത്തിന്റെ നിർമ്മാണം.
advertisement
നേരത്തെ പുറത്തുവിട്ട മാമന്നനിലെ ലിറിക്കൽ വിഡിയോകൾക്ക് ഗംഭീര പ്രേക്ഷക പ്രതികരണമാണ് ലഭിക്കുന്നത്.സോണി മ്യൂസിക് ആണ് മ്യൂസിക് ചിത്രത്തിന്റെ മ്യൂസിക് റൈറ്റ്സ് .ചിത്രത്തിന്റെ ഛായാഗ്രഹണം തേനി ഈശ്വർ ആണ്. തമിഴ്നാട്ടിലെ യുവജനക്ഷേമ കായിക വികസന മന്ത്രി കൂടിയായ ഉദയനിധി മാമന്നന് ശേഷം നടന്‍ എന്ന നിലയിലുള്ള തന്റെ സിനിമ ജീവിതത്തിന് ഇടവേള പ്രഖ്യാപിച്ചത് ശ്രദ്ധേയമാണ്. കേരളത്തിൽ ആർ, ആർ, ആർ, വിക്രം , ഡോൺ , വെന്ത് തുനിന്തത് കാട്, വിടുതലൈ തുടങ്ങിയ മാസ്റ്റർ ക്ലാസ് സിനിമകൾ വിതരണം ചെയ്ത എച്ച്‌ ആർ പിക്ചേഴ്സ് ആണ് ചിത്രം കേരളത്തിൽ വിതരണത്തിനെത്തിക്കുന്നത്‌. പി ആർ ഓ പ്രതീഷ് ശേഖർ.