‘സംഭവം’ എന്ന ഹ്രസ്വചിത്രത്തെ അടിസ്ഥാനമാക്കി ഒരു സിനിമ; ‘സംഭവം അദ്ധ്യായം ഒന്ന്’ തിയേറ്ററിലേക്ക്

'സമയത്തെ നിയന്ത്രിക്കുന്ന ദൈവം' എന്ന ആശയത്തെ ആസ്പദമാക്കി ഒരുക്കുന്നൊരു ടൈം ട്രാവൽ ചിത്രമാണെന്ന സൂചനകളാണ് ട്രെയ്‌ലർ നൽകുന്നത്. ശ്രദ്ധ നേടിയ ‘സംഭവം’ എന്ന ഷോർട്ട് ഫിലിമിനെ ആസ്പദമാക്കിയാണ് ഈ സിനിമ ഒരുക്കിയിരിക്കുന്നത്.

അസ്ക്കർ അലി, വിനീത് കുമാർ, സിദ്ധാർത്ഥ് ഭരതൻ, സെന്തിൽ കൃഷ്ണ, അസ്സിം ജമാൽ എന്നിവരാണ് ചിത്രത്തിലെ പ്രധാന കഥാപാത്രങ്ങളെ അവതരിപ്പിക്കുന്നത്. പൂർണ്ണമായും കാടിന്റെ പശ്ചാത്തലത്തിൽ ഒരുക്കുന്ന ചിത്രം പാലക്കാട് ജില്ലയിലെ ധോണി ഫോറസ്റ്റ് പ്രദേശത്താണ് പ്രധാനമായും ചിത്രീകരിച്ചത്. കേരള–തമിഴ്നാട് അതിർത്തിയിലുള്ള ഒരു ദുരൂഹ വനപ്രദേശം. അവിടെ ഒരിക്കൽ കയറിയവർ പിന്നീട് പുറംലോകം കണ്ടിട്ടില്ലെന്ന പ്രചാരണം. ആ നിഗൂഢതകളുടെ പിന്നിലെ സത്യമാണ് ചിത്രം അന്വേഷിക്കുന്നത്.

advertisement

സസ്പെൻസും ആക്ഷനും ഒരുപോലെ നിറഞ്ഞ ചിത്രത്തിന്റെ ചിത്രീകരണം പാലക്കാട്, തിരുവനന്തപുരം, വൈക്കം, വെള്ളൂർ എന്നിവിടങ്ങളിലായി പൂർത്തിയായി.

ചിത്രത്തിന്റെ കോ-പ്രൊഡ്യൂസർ നവീൻ ഊട്ട, എക്സിക്യൂട്ടീവ് പ്രൊഡ്യൂസർ ആഷ്‌ന റഷീദ്. ഛായാഗ്രഹണം: നവീൻ നജോസ്. എഡിറ്റിംഗ്: അർജുൻ പ്രകാശ്, ബാക്ക്ഗ്രൗണ്ട് സ്കോർ: ഗോഡ്‌വിൻ തോമസ്. ഓഡിയോഗ്രഫി: വിഷ്ണു ഗോവിന്ദ്, മേക്കപ്പ്: പട്ടണം റഷീദ്, വസ്ത്രാലങ്കാരം: സമീറ സനീഷ്, പ്രൊഡക്ഷൻ കൺട്രോളർ: പ്രവീൺ എടവണ്ണപ്പാറ, ആർട്ട് ഡയറക്ടർ: സുജിത്ത് കൊല്ലനണ്ടി, സംഘട്ടനം: അഷ്‌റഫ് ഗുരുക്കൾ, സ്റ്റിൽസ്: നിദാദ് കെ.എൻ., ചീഫ് അസോസിയേറ്റ് ഡയറക്ടേഴ്സ്: മെൽബിൻ മാത്യു, അനൂപ് മോഹൻ, പബ്ലിസിറ്റി ഡിസൈൻസ്: യെല്ലോ ടൂത്ത്സ്, മാർക്കറ്റിംഗ്: ഒബ്സ്ക്യൂറ എന്റർടൈൻമെന്റ്സ്, പി.ആർ.ഒ.: ഐശ്വര്യ രാജ്.

Summary: Set in the backdrop of a forest, the mystery fantasy thriller film ‘Sambhavam Adhyayam Onnu’ will hit theaters from March 6. The film, written and directed by debutant Jithu Satheesan, is produced by Nalla Cinema Productions