സീരിയൽ നടൻ സിദ്ധാർഥ് പ്രഭുവിന്റെ വാഹനമിടിച്ച് പരിക്കേറ്റ ലോട്ടറി വിൽപനക്കാരൻ മരിച്ചു

അപകടസമയത്ത് സിദ്ധാർഥ് പ്രഭു മദ്യലഹരിയിലായിരുന്നുവെന്ന് വൈദ്യപരിശോധനയിൽ പോലീസ് സ്ഥിരീകരിച്ചിട്ടുണ്ട്. സിദ്ധാർഥ് പ്രഭുവിനെതിരെ പോലീസ് കേസെടുത്തിരുന്നു. എന്നാൽ തങ്കരാജ് മരിച്ച സാഹചര്യത്തിൽ സിദ്ധാർഥിനെതിരെ കൂടുതൽ വകുപ്പുകൾ ചുമത്തും. നടനെ പോലീസ് നേരത്തെ അറസ്റ്റ് ചെയ്ത് വിട്ടയച്ചിരുന്നു. അപകടമുണ്ടാക്കിയ വാഹനം നിലവിൽ പോലീസ് കസ്റ്റഡിയിലാണ്. 'തട്ടീം മുട്ടീം' എന്ന പരമ്പരയിലൂടെ മലയാളി പ്രേക്ഷകർക്ക് പരിചിതനായ നടനാണ് സിദ്ധാർഥ്.