600 കോടി മുതൽമുടക്കിൽ നിർമിച്ച ചിത്രം സാങ്കേതികമായിലും സംഭാഷണങ്ങളിലുമെല്ലാം പൂർണ പരാജയമാണെന്ന് കണ്ടവർ പറയുന്നു.
ഇപ്പോഴിതാ, മുൻ ഇന്ത്യൻ ക്രിക്കറ്റ് താരം വിരേന്ദർ സെവാഗും ആദിപുരുഷിനെ ട്രോളി രംഗത്തെത്തിയിരിക്കുകയാണ്. ഇതിനിടയിൽ രാമായണം സീരിയലിൽ ഭാഗമായവും നിരവധി പ്രമുഖരും ചിത്രത്തെ വിമർശിച്ചിട്ടുണ്ട്.
advertisement
ഏറ്റവും ഒടുവിലാണ് സെവാഗിന്റെ പരിഹാസം. ആദിപുരുഷ് കണ്ടതിനു ശേഷം പ്രഭാസിന്റെ മുൻ ചിത്രം ബാഹുബലിയുമായി ബന്ധിപ്പിച്ചായിരുന്നു സെവാഗിന്റെ ട്രോൾ.
ആദിപുരുഷ് കണ്ടപ്പോഴാണ് കട്ടപ്പ എന്തിനാണ് ബാഹുബലിയെ കൊന്നത് എന്നായിരുന്നു സെവാഗിന്റെ ട്വീറ്റ്. കൂടുതലൊന്നുമില്ല, ഒപ്പം ചിരിക്കുന്ന ഒരു സ്മൈലിയും മാത്രം. എന്തായാലും സെവാഗിന്റെ ട്വീറ്റ് ഇതിനകം വൈറലാണ്.
പുറത്തിറങ്ങി ആദ്യ ആഴ്ച്ച പിന്നിടുമ്പോൾ ചിത്രം തിയേറ്ററുകളിൽ നിന്ന് ഒഴിയുന്ന കാഴ്ച്ചയാണ് കണ്ടുവരുന്നത്. ഒമ്പതാം ദിവസം എല്ലാ ഭാഷകളിലുമായി വെറും ഒമ്പത് കോടി മാത്രമാണ് ചിത്രത്തിന് നേടാനായത്.