അമിതമായി മദ്യപിച്ച ഇവർ പരസ്പരം വഴക്കിടുകയും ഉച്ചത്തിൽ സംസാരിച്ച് സഹയാത്രക്കാർക്ക് ബുദ്ധിമുട്ടുണ്ടാക്കുകയും ചെയ്തതോടെ വിമാന ജീവനക്കാർ ഇടപെട്ടു. എന്നാൽ ഇവർ വാക്കുതർക്കവും പോർവിളിയും തുടർന്നു. ഇതോടെ വിമാനം ഹൈദരാബാദിൽ അടിയന്തരമായി ഇറക്കുകയായിരുന്നു. വിമാന ജീവനക്കാരിൽനിന്ന് പരാതി എഴുതിവാങ്ങിയ ശേഷമാണ് പ്രതികളെ കസ്റ്റഡിയിലെടുത്തത്.
Also Read- മലപ്പുറത്ത് സുഹൃത്തിന്‍റെ എയർഗണ്ണിൽനിന്ന് വെടിയേറ്റ് യുവാവ് മരിച്ചു
കഴിഞ്ഞ ദിവസം ദുബായിൽനിന്ന് ടെൽ അവീവിലേക്കുള്ള വിമാനവും യാത്രക്കാർ ബഹളമുണ്ടാക്കിയതിനെ തുടർന്ന് വൈകി. വെള്ളിയാഴ്ച പുറപ്പെടേണ്ടിയിരുന്ന ഫ്ലൈ ദുബായ് വിമാനം അഞ്ച് മണിക്കൂർ വൈകിയതിനും കാരണം യാത്രക്കാർ തമ്മിലുണ്ടായ പ്രശ്നമാണെന്ന് വിമാന കമ്പനി അറിയിച്ചു. ഇതര യാത്രക്കാർക്കുണ്ടായ അസൗകര്യത്തിൽ കമ്പനി ഖേദം പ്രകടിപ്പിച്ചു. ചില യാത്രക്കാർ മദ്യലഹരിയിൽ പ്രശ്നമുണ്ടാക്കിയതാണ് വിമാനം വൈകാൻ ഇടയാക്കിയതെന്നാണ് റിപ്പോർട്ട്.
advertisement