യുപിയിൽ റീൽസിനായി 'തൂങ്ങിമരണം' അഭിനയിച്ചു; സ്റ്റൂൾ തെന്നിമാറി കുരുക്ക് മുറുകി 27-കാരി മരിച്ചു

യുവതിയുടെ നാല് വയസ്സുകാരിയായ മകൾ മുറിയിലേക്ക് വന്നപ്പോഴാണ് അമ്മ തൂങ്ങിനിൽക്കുന്നത് കണ്ടത്. കുട്ടി നിലവിളിച്ചതോടെ അയൽവാസികൾ ഓടിക്കൂടി. ഉടൻ തന്നെ പോലീസിനെ വിവരമറിയിക്കുകയും പോലീസെത്തി മൃതദേഹം താഴെയിറക്കുകയും ചെയ്തു. റീൽസ് ചിത്രീകരണത്തിനിടെയുണ്ടായ അപകടമാണിതെന്നാണ് പ്രാഥമിക നിഗമനമെങ്കിലും സംഭവത്തിൽ പോലീസ് വിശദമായ അന്വേഷണം ആരംഭിച്ചിട്ടുണ്ട്. മൃതദേഹം പോസ്റ്റ്‌മോർട്ടത്തിനായി അയച്ചു.