പഞ്ചാബിൽ എഎപി നേതാവ് ലക്കി ഒബ്‌റോയിയെ ഗുരുദ്വാരക്ക് പുറത്ത് വെടിയേറ്റ് മരിച്ച നിലയിൽ കണ്ടെത്തി

തിരക്കേറിയ മോഡൽ ടൗൺ പ്രദേശത്തെ ഗുരുദ്വാര സാഹിബിന് പുറത്താണ് വെടിവെപ്പ് നടന്നത്. സംഭവത്തിന് പിന്നാലെ മുതിർന്ന പോലീസ് ഉദ്യോഗസ്ഥർ സ്ഥലത്തെത്തി പ്രദേശം വളയുകയും ശാസ്ത്രീയ തെളിവുകൾ ശേഖരിക്കുകയും ചെയ്തു. അക്രമികളെ കണ്ടെത്താനായി പ്രദേശത്തെ സിസിടിവി ദൃശ്യങ്ങൾ പോലീസ് പരിശോധിച്ച് വരികയാണ്.

ലക്കി ഒബ്‌റോയിയുടെ ഭാര്യ നേരത്തെ എഎപി ടിക്കറ്റിൽ മുനിസിപ്പൽ തിരഞ്ഞെടുപ്പിൽ മത്സരിച്ചിരുന്നെങ്കിലും പരാജയപ്പെട്ടിരുന്നു. കന്റോൺമെന്റ് മണ്ഡലം ഇൻചാർജ് രാജ്‌വിന്ദർ കൗർ തിയാരയുടെ അടുത്ത അനുയായി കൂടിയായിരുന്നു അദ്ദേഹം. കൊലപാതകത്തിന് പിന്നിലെ ലക്ഷ്യം എന്താണെന്ന് വ്യക്തമായിട്ടില്ല. പ്രതികളെ പിടികൂടാൻ പോലീസ് അന്വേഷണം ഊർജിതമാക്കിയിട്ടുണ്ട്.

advertisement

Summary: Tragedy struck Jalandhar’s busy Model Town area on Friday as Lucky Oberoi, a local leader of the Aam Aadmi Party (AAP), was shot dead outside a Gurdwara. According to reports, Oberoi was struck by five bullets in the attack. Although he was rushed to a nearby private hospital, he was declared dead on arrival.