“അർജന്റീനയിൽ നിന്നുള്ള ഒരു സംഘം ഇവിടെ എത്തിയിട്ടുണ്ട്. അവരുമായി കൂടിക്കാഴ്ചകൾ നടത്താനാകുമെന്ന് ഞങ്ങൾ പ്രതീക്ഷിക്കുന്നു. അവർക്ക് നമ്മുടെ ലൈറ്റ് കോംബാറ്റ് എയർക്രാഫ്റ്റിൽ താൽപര്യമുണ്ട്”, ഒരു ഉദ്യോഗസ്ഥൻ പറഞ്ഞു. എയ്‌റോ ഇന്ത്യ 2023 ൽ പങ്കെടുക്കുന്നതിനായി എത്തിയ മലേഷ്യൻ പ്രതിനിധി സംഘവും എച്ച്എഎൽ അധികൃതരുമായി സംസാരിച്ച് വിമാനം വാങ്ങുന്നതിനുള്ള സാധ്യതകളെക്കുറിച്ച് ചർച്ചകൾ നടത്തും എന്നാണ് റിപ്പോർട്ടുകൾ.
2021-ൽ ഇന്ത്യൻ എയർഫോഴ്‌സിന്റെ ഭാഗമായ ലൈറ്റ് കോംബാറ്റ് എയർക്രാഫ്റ്റായ തേജസ് എംകെ 1 എ, അതിന്റെ സവിശേഷതകൾ കൊണ്ട് മുൻപും വാർത്തകളിൽ ഇടം നേടിയിട്ടുണ്ട്. അത്യാധുനിക ഇലക്ട്രോണിക് വാർഫെയർ സ്യൂട്ടുകൾ, മൾട്ടി മോഡ് റഡാറുകൾ, വിഷ്വൽ റേഞ്ച് എയർ-ടു-എയർ മിസൈലുകൾ തുടങ്ങിയ ആധുനിക സാങ്കേതിക വിദ്യകൾ ഈ വിമാനത്തിലുണ്ട്.
advertisement
Also read: ‘സ്വവര്‍ഗാനുരാഗം ഇപ്പോഴും കുറ്റകൃത്യമായി കാണുന്നത് അനീതി’; ചീഫ് ജസ്റ്റിസ് ഡി വൈ ചന്ദ്രചൂഡ്
അർജന്റീനയും മലേഷ്യയും തേജസ് എംകെ 1 എ വാങ്ങിയാൽ അന്താരാഷ്ട്ര തലത്തിൽ അത് കൂടുതൽ ശ്രദ്ധിക്കപ്പെടുകയും ഇന്ത്യയുടെ അംഗീകാരം വർദ്ധിക്കുകയും ചെയ്യും. കൂടാതെ ഇന്ത്യൻ പ്രതിരോധ കമ്പനികൾക്ക് ലാറ്റിനമേരിക്കയിലേക്കും കരീബിയൻ മേഖലയിലേക്കും കയറ്റുമതി ചെയ്യാനുള്ള സാധ്യതയും വർദ്ധിക്കും. ഈ മേഖലയിൽ ഇതുവരെ കാൺപൂർ ആസ്ഥാനമായുള്ള എംകെയു പ്രൈവറ്റ് ലിമിറ്റഡ് എന്ന ഇന്ത്യൻ കമ്പനി മാത്രമേ സജീവമായി ഉണ്ടായിരുന്നുള്ളൂ.
ഹിന്ദുസ്ഥാൻ എയറോനോട്ടിക്സ് ലിമിറ്റഡ് ഇന്ത്യയിൽ തദ്ദേശീയമായി വികസിപ്പിച്ച ലൈറ്റ് കോംബാറ്റ് എയർക്രാഫ്റ്റ് ആണ് തേജസ് എംകെ 1 എ. എറോസ്‌പേസ് നിർമാണം, കയറ്റുമതി രംഗങ്ങളിൽ ആഗോള തലത്തിൽ ഇന്ത്യയുടെ സ്ഥാനം കൂടുതൽ ഉറപ്പിക്കുക കൂടിയാണ് തേജസ് എംകെ 1 എ.
എച്ച്എഎൽ എൽസിഎ തേജസ് എംകെ 1 എയ്ക്ക് അർജന്റീനയിൽ നിന്നും മലേഷ്യയിൽ നിന്നുമുള്ള ഓർഡറുകൾ ലഭിച്ചാൽ അത് ഇന്ത്യൻ എയ്‌റോസ്‌പേസ് മേഖലയ്ക്ക് വലിയ ഉത്തേജനം ആകുമെന്നുറപ്പാണ്. ഇന്ത്യ തദ്ദേശീയമായി നിർമിച്ച യുദ്ധവിമാനങ്ങൾക്കുള്ള അംഗീകാരം കൂടിയായിരിക്കുമത്. ഇതു വഴി തേജസ് എംകെ 1 എക്ക് കൂടുതൽ അന്താരാഷ്ട്ര ഓർഡറുകൾക്ക് ലഭിക്കും എന്നാണ് പ്രതീക്ഷിക്കുന്നത്.
Summary: Aero India 2023: Argentina and Malaysia interested at India’s Tejas MK1 A fighter plane