'യുപിയിലെ എല്ലാ സീറ്റിലും സമാജ് വാദി പാര്‍ട്ടി ജയിച്ചാലും വോട്ടിങ് മെഷീനെ വിശ്വസിക്കില്ല'; അഖിലേഷ് യാദവ്

"മാതൃക പെരുമാറ്റച്ചട്ടം പ്രഖ്യാപിച്ചപ്പോള്‍ സര്‍ക്കാരും തെരഞ്ഞെടുപ്പ് കമ്മീഷനും ചിലര്‍ക്ക് അനുകൂലമായി പെരുമാറി. അതേപ്പറ്റി ഞാന്‍ വിശദമാക്കുന്നില്ല. ആ സ്ഥാപനത്തിനെതിരെയും ചില സമയത്ത് ചോദ്യങ്ങള്‍ ഉയര്‍ന്നിരുന്നു,'' അഖിലേഷ് യാദവ് പറഞ്ഞു. ''ഇവിഎമ്മുകളെ ഞാനൊരിക്കലും വിശ്വസിക്കില്ല. യുപിയിലെ 80 സീറ്റിലും ഞങ്ങളുടെ പാര്‍ട്ടി വിജയിച്ചാലും ഇവിഎമ്മുകളെ വിശ്വസിക്കാന്‍ ഞാന്‍ തയ്യാറല്ല,'' അദ്ദേഹം പറഞ്ഞു.

ഇവിഎമ്മുകളെപ്പറ്റിയുള്ള പ്രശ്‌നം അവസാനിച്ചിട്ടില്ലെന്നും ഈ വിഷയത്തില്‍ തങ്ങളുടെ നിലപാടില്‍ ഉറച്ചുനില്‍ക്കുമെന്നും അദ്ദേഹം പറഞ്ഞു. അതേസമയം തെരഞ്ഞെടുപ്പ് കമ്മീഷന്റെ നിഷ്പക്ഷതയെക്കുറിച്ച് ചോദ്യങ്ങള്‍ ഉന്നയിക്കാതിരിക്കുന്നതാണ് നല്ലതെന്ന് ലോക്‌സഭാ സ്പീക്കര്‍ ഓം ബിര്‍ള പറഞ്ഞു.

advertisement