Puja Khedkar: വിവാദ ട്രെയിനി ഓഫീസര്‍ പൂജാ ഖേദ്കറെ ഐഎഎസിൽ നിന്ന് പുറത്താക്കി

ചട്ടം മറികടന്നുകൊണ്ട് സിവിൽ സർവീസസ് പരീക്ഷയെഴുതിയെന്ന് കണ്ടെത്തിയതിനെ തുടർന്നാണ് യു പി എസ് സി പൂജക്കെതിരെ നേരത്തെ നടപടി സ്വീകരിച്ചത്. കമ്മീഷന്റെ പരീക്ഷകളിൽനിന്ന് ആജീവനാന്ത വിലക്കും ഏർപ്പെടുത്തിയിരുന്നു.

ജൂലൈ 31നാണ് വ്യാജരേഖ ചമച്ച് പരീക്ഷ എഴുതിയെന്ന് കണ്ടെത്തിയ സാഹചര്യത്തിൽ പൂജയെ യു പി എസ് സി അയോഗ്യയാക്കിയത്. ആരോപണത്തിൽ വിശദീകരണം നൽകാൻ 30ന് വൈകിട്ട് 3.30 വരെ പൂജയ്ക്ക് സമയം നൽകിയിരുന്നു. എന്നാൽ കാരണം കാണിക്കൽ നോട്ടീസിനോട് പ്രതികരിക്കാൻ അവർ തായാറായിരുന്നില്ല.

advertisement

2022ൽ പരീക്ഷയെഴുതനായി വ്യാജ ഒബിസി, ഭിന്നശേഷി സർട്ടിഫിക്കറ്റുകൾ പൂജ സമർപ്പിച്ചതായാണ് കണ്ടെത്തിയിട്ടുള്ളത്. അപേക്ഷയിൽ പേരും മാതാപിതാക്കളുടെ പേരും മാറ്റിയിരുന്നു. അനുവദനീയമായതിലും കൂടുതൽ തവണ പരീക്ഷ എഴുതാനായിരുന്നു ഇതെല്ലാം. ഇവർക്ക് ഐ.എ.എസ് ലഭിച്ചതും ഒബിസി, ഭിന്നശേഷി ആനുകൂല്യത്തിലാണ്.

Summary: The Central government has discharged Civil Services trainee officer Puja Khedkar from Indian Administrative Service (IAS) with immediate effect, sources said on Saturday.