സുഖോയ് Su-30MKI വിമാനം ആസാമിൽ തകർന്നു വീണു; രണ്ട് പൈലറ്റുമാർക്ക് വീരമൃത്യു

''അപകടത്തിൽ മരിച്ചവരുടെ കുടുംബാംഗങ്ങളുടെ ദുഃഖത്തിൽ വ്യോമസേനയിലെ എല്ലാ ഉദ്യോഗസ്ഥരും പങ്കുചേരുകയും അനുശോചനം അറിയിക്കുകയും ചെയ്യുന്നു," ഐഎഎഫ് പ്രസ്താവനയിലൂടെ വ്യക്തമാക്കി.

അപകടത്തെക്കുറിച്ച്

ജോർഹട്ട് എയർബേസിൽ നിന്ന് പറന്നുയർന്ന വിമാനവുമായി രാത്രി 7.42നാണ് ആശയവിനിമയം നഷ്ടപ്പെട്ടത്. തുടർന്ന് നടത്തിയ തിരച്ചിലിനൊടുവിലാണ് വിമാനം തകർന്ന നിലയിൽ കണ്ടെത്തിയത്. റഷ്യൻ സാങ്കേതികവിദ്യയിൽ വികസിപ്പിച്ച ഈ യുദ്ധവിമാനം നിലവിൽ ഇന്ത്യയിൽ ഹിന്ദുസ്ഥാൻ എയറോനോട്ടിക്സ് ലിമിറ്റഡ് (HAL) ആണ് നിർമിക്കുന്നത്.

രണ്ട് സീറ്റുകളുള്ള, ദീർഘദൂര പ്രഹരശേഷിയുള്ള മൾട്ടിറോൾ യുദ്ധവിമാനമാണിത്. 2024 ജൂണിൽ മഹാരാഷ്ട്രയിലെ നാസിക്കിലും, 2023 ജനുവരിയിൽ ഗ്വാളിയോർ എയർബേസിന് സമീപവും സുഖോയ് വിമാനങ്ങൾ സമാനമായ രീതിയിൽ തകർന്നു വീണിരുന്നു.

Summary: Tragedy struck the Indian Air Force (IAF) as a Sukhoi Su-30MKI fighter jet crashed in the Karbi Anglong district of Assam. The incident occurred shortly after the aircraft took off from the Jorhat airbase on a training mission on Thursday evening. The IAF has confirmed the loss of two brave officers, Sqn Ldr Anuj and Flt Lt Purvesh Duragkar, who sustained fatal injuries in the crash. Radar contact with the Russian-origin aircraft was lost at 7:42 PM on Thursday. A search and rescue operation subsequently located the wreckage approximately 60 km from Jorhat.