TRENDING:
2023-ല് വിരമിച്ച ജസ്റ്റിസ് മുരളീധര് ധീരമായ വിധിന്യായങ്ങളിലൂടെയും പുരോഗമനപരമായ കാഴ്ചപ്പാടുകളിലൂടെയും പേരുകേട്ട ന്യായധിപനാണ്. ബ്രസീലിയന് നിയമ വിദഗ്ദ്ധന് പൗലോ സെര്ജിയോ പിന്ഹീറോയുടെ പിന്ഗാമിയാണ് അദ്ദേഹം.
ഗാസയ്ക്കെതിരെ ഇസ്രായേല് ആക്രമണം തുടരുന്നതിനിടയിലാണ് യുഎന് അന്വേഷണ സമിതിയുടെ തലപ്പത്ത് മുരളീധറിനെ നിയമിക്കുന്നത് എന്നതും ശ്രദ്ധേയമാണ്. 2021-ല് രൂപീകരിച്ച യുഎന് കമ്മീഷന് സംഘര്ഷത്തില് ഇസ്രായേലിലെയും പാലസ്തീനിലെയും മനുഷ്യാവകാശ നിയമ ലംഘനങ്ങള് പരിശോധിക്കും.
1984-ല് മദ്രാസ് ഹൈക്കോടതിയിലാണ് ജസ്റ്റിസ് മുരളീധര് ഔദ്യോഗികമായി അഭിഭാഷക ജീവിതം ആരംഭിച്ചത്. തുടര്ന്ന് ഡല്ഹി ഹൈക്കോടതിയിലേക്ക് മാറി. ഏകദേശം രണ്ട് പതിറ്റാണ്ടോളം സുപ്രീം കോടതിയിലും പ്രാക്ടീസ് ചെയ്തു. ദേശീയ മനുഷ്യാവകാശ കമ്മീഷനിലും അദ്ദേഹം സേവനമനുഷ്ഠിച്ചിട്ടുണ്ട്. 2006-ല് ഡല്ഹി ഹൈക്കോടതി ജഡ്ജിയായിരുന്ന മുരളീധര് 2021-ല് ഒഡീഷ ഹൈക്കോടതി ചീഫ് ജസ്റ്റിസായി നിയമിക്കപ്പെട്ടു.
advertisement
ഇദ്ദേഹത്തിന്റെ പ്രധാന വിധിന്യായങ്ങളില് സ്വവര്ഗരതി കുറ്റകരമല്ലാതാക്കിയതും ഉള്പ്പെടുന്നു. 2013-ല് ഈ വിധി സുപ്രീം കോടതി റദ്ദാക്കിയിരുന്നു. 2023-ല് വിരമിച്ച ശേഷം ജസ്റ്റിസ് മുരളീധര് വീണ്ടും നിയമരംഗത്തേക്ക് മടങ്ങി. സുപ്രീം കോടതി അദ്ദേഹത്തെ മുതിര്ന്ന അഭിഭാഷകനായി നിയമിച്ചു.