കേന്ദ്ര ബജറ്റ് അവതരിപ്പിച്ച പ്രധാനമന്ത്രിമാർ ഇവരാണ്

ജവഹർലാൽ നെഹ്റു: പൊതുബജറ്റ് അവതരിപ്പിച്ച ആദ്യ പ്രധാനമന്ത്രി ജവഹർലാൽ നെഹ്റുവാണ്. പ്രധാനമന്ത്രിയായിരിക്കെ 1958-59 കാലത്ത് ധനവകുപ്പിന്റെ ചുമതല നെഹ്റുവിനായിരുന്നു. മുന്ദ്ര അഴിമതി ആരോപണത്തെ തുടർന്ന് ധനമന്ത്രിയായ ടിടി കൃഷ്ണമാചാരി രാജിവച്ച സമയമായിരുന്നു ഇത്.

മൊറാർജി ദേശായി: 1977 മുതൽ 1979 വരെയുള്ള കാലയളവിൽ ഇന്ത്യയുടെ പ്രധാനമന്ത്രിയായിരുന്നു മൊറാർജി ദേശായി. ഏറ്റവും കൂടുതൽ ബജറ്റ് അവതരിപ്പിച്ചിട്ടുള്ളതും അദ്ദേഹമാണ്. എട്ടുവാർഷിക ബജറ്റുകളും രണ്ട് ഇടക്കാല ബജറ്റുകളും ഉൾപ്പെടെ 10 ബജറ്റുകളാണ് മൊറാർജി ദേശായി അവതരിപ്പിച്ചത്.

advertisement

ഇന്ദിരാഗാന്ധി: 1969ൽ മൊറാർജി ദേശായിയുടെ രാജിയെ തുടർന്നാണ് പ്രധാനമന്ത്രിയായ ഇന്ദിരാ ഗാന്ധിക്ക് ധനവകുപ്പ് ഏറ്റെടുക്കേണ്ടിവന്നത്. 1970ൽ പാർലമെന്റിൽ ബജറ്റും അവതരിപ്പിച്ചു. പിന്നീട് ആഭ്യന്തരമന്ത്രിയായി യശ്വന്ത് റാവു ചവാന് ധനവകുപ്പ് കൈമാറുകയായിരുന്നു.

രാജീവ് ഗാന്ധി: 1987 ജനുവരി- ജൂലൈ മാസങ്ങളിൽ ധനവകുപ്പ് കൈകാര്യം ചെയ്തു. ആ സമയത്ത് തന്നെ ബജറ്റ് അവതരിപ്പിച്ചു. ഇതോടെ നെഹ്റു-ഗാന്ധി കുടുംബത്തിൽ നിന്ന് കേന്ദ്ര ബജറ്റ് അവതരിപ്പിച്ച മൂന്നാമനായി രാജീവ് ഗാന്ധി മാറി. വി പി സിംഗിനെ മാറ്റിയതിനെ തുടർന്നാണ് ധനവകുപ്പ് അദ്ദേഹത്തിന് ഏറ്റെടുക്കേണ്ടി വന്നത്.

ഡോ. മൻമോഹൻ സിംഗ്: നരസിംഹറാവു സർക്കാരിൽ 1991 മുതൽ 1996വരെ ധനവകുപ്പ് മന്ത്രിയായിരുന്നു മൻമോഹൻസിംഗ്. 1991ലെ ബജറ്റ് ഏറെ ചർച്ച ചെയ്യപ്പെട്ടു. ഇറക്കുമതി- കയറ്റുമതി നയങ്ങളിലുണ്ടായ മാറ്റം ഈ ബജറ്റിലാണ് പ്രഖ്യാപിച്ചത്. 1994ലെ ബജറ്റിൽ സേവന നികുതി ഏർപ്പെടുത്തി. ഇത് പിൽക്കാലത്ത് സർക്കാരുകളുടെ പ്രധാന വരുമാനമാർഗവുമായി.