മൂന്ന് ലക്ഷം രൂപ തലയ്ക്ക് വിലയിട്ട മാവോയിസ്റ്റ് നേതാവും കീഴടങ്ങി; ബീഹാർ നക്സൽ വിമുക്ത സംസ്ഥാനമായെന്ന് പൊലീസ്

മൂന്ന് അസാൾട്ട് റൈഫിളുകൾ, നൂറുകണക്കിന് വെടിയുണ്ടകൾ, മാഗസിനുകൾ, കുറച്ച് പണം എന്നിവയുമായാണ് കോഡ അധികൃതർക്ക് മുന്നിൽ കീഴടങ്ങിയത്. കീഴടങ്ങുന്ന മാവോയിസ്റ്റുകളുടെ പുനരധിവാസത്തിനായുള്ള 'ആത്മസമർപ്പൺ സഹ പുനർവാസ് യോജന' പ്രകാരമുള്ള ആനുകൂല്യങ്ങൾ നൽകാനുള്ള നടപടികൾ സ്വീകരിച്ചതിനെത്തുടർന്നാണ് കീഴടങ്ങലെന്ന് പോലീസ് അറിയിച്ചു.

പദ്ധതി പ്രകാരം, കോഡയുടെ തലയ്ക്ക് നിശ്ചയിച്ചിരുന്ന തുകയ്ക്ക് തുല്യമായ 3 ലക്ഷം രൂപ അദ്ദേഹത്തിന് ലഭിക്കാൻ അർഹതയുണ്ട്. കൂടാതെ 5 ലക്ഷം രൂപയുടെ ഇൻസെന്റീവും 36 മാസത്തേക്ക് തൊഴിൽ പരിശീലനത്തിനായി പ്രതിമാസം 10,000 രൂപ സ്റ്റൈപ്പൻഡും അദ്ദേഹത്തിന് ലഭിക്കും. കോഡയുടെ കീഴടങ്ങലോടെ ബീഹാറിലെ നക്സൽ ശൃംഖല തകർന്നുവെന്നും സംസ്ഥാനം മുഴുവൻ നക്സൽ വിമുക്തമായെന്നും പ്രസ്താവനയിൽ പറയുന്നു.

advertisement