റേഷൻ കാർഡ് ഉടമകൾക്ക് പൊങ്കൽ സമ്മാനമായി 3000 രൂപ പ്രഖ്യാപിച്ച് തമിഴ്‌നാട് സർക്കാർ

പണത്തിന് പുറമെ ഒരു കിലോ അരി, ഒരു കിലോ പഞ്ചസാര, ഒരു മുഴുവൻ കരിമ്പ് എന്നിവയടങ്ങിയ പൊങ്കൽ കിറ്റും സർക്കാർ സൗജന്യമായി നൽകും. കൂടാതെ സർക്കാർ നൽകുന്ന സൗജന്യ ദോത്തിയും സാരിയും ന്യായവില കടകൾ വഴി വിതരണം ചെയ്യും. ഇതിനായുള്ള സ്റ്റോക്കുകൾ ഇതിനോടകം തന്നെ എല്ലാ ജില്ലകളിലേക്കും അയച്ചു കഴിഞ്ഞു. ഈ വിപുലമായ പദ്ധതിക്കായി തമിഴ്‌നാട് സർക്കാർ മൊത്തം 6936.17 കോടി രൂപയാണ് ചെലവിടുന്നത്.

ഡിസംബർ എട്ടിന് മുഖ്യമന്ത്രി പദ്ധതി ഔദ്യോഗികമായി ഉദ്ഘാടനം ചെയ്യും. ജനുവരി 14-ന് പൊങ്കൽ ആഘോഷിക്കുന്നതിന് മുൻപായി എല്ലാ ഗുണഭോക്താക്കൾക്കും വിതരണം പൂർത്തിയാക്കാനാണ് സർക്കാർ ലക്ഷ്യം.

advertisement