എഐ ഇംപാക്ട് ഉച്ചകോടിയിൽ ഇന്ത്യയുടെ 'മാനവ്' വിഷൻ അവതരിപ്പിച്ച് പ്രധാനമന്ത്രി നരേന്ദ്ര മോദി

'M'oral and Ethical System (ധാർമികവും നീതിയുക്തവുമായ വ്യവസ്ഥ)

'A'ccountable Governance (ഉത്തരവാദിത്തമുള്ള ഭരണം)

'N'ational Sovereignty (ദേശീയ പരമാധികാരം - പ്രത്യേകിച്ച് ഡാറ്റയുടെ മേലുള്ള അവകാശം)

'A'ccessible and Inclusive technology (എല്ലാവർക്കും പ്രാപ്യമായ സാങ്കേതികവിദ്യ)

'V'alid and Legitimate systems (സാധുവായതും നിയമപരമായതുമായ സംവിധാനങ്ങൾ) എന്നിവയാണവ.

വയർലെസ് കമ്മ്യൂണിക്കേഷന്റെ കണ്ടുപിടുത്തത്തിന് തുല്യമായ ചരിത്രപരമായ മാറ്റമായാണ് അദ്ദേഹം എഐയെ വിശേഷിപ്പിച്ചത്. "ആദ്യമായി സിഗ്നലുകൾ വയർലെസ് ആയി കൈമാറിയപ്പോൾ, ലോകം മുഴുവൻ ഒരു ദിവസം തത്സമയം ബന്ധിക്കപ്പെടുമെന്ന് ആരും കരുതിയിരുന്നില്ല," പ്രധാനമന്ത്രി പറഞ്ഞു. "മനുഷ്യചരിത്രത്തിലെ അത്തരമൊരു പരിവർത്തനമാണ് ആർട്ടിഫിഷ്യൽ ഇന്റലിജൻസ്. ഇന്ന് നമ്മൾ കാണുന്നതും പ്രവചിക്കുന്നതും അതിന്റെ സ്വാധീനത്തിന്റെ തുടക്കം മാത്രമാണ്."

advertisement

യന്ത്രങ്ങളെ ബുദ്ധിയുള്ളതാക്കുന്നതിനേക്കാൾ ഉപരിയായി മനുഷ്യന്റെ കഴിവുകളെ വികസിപ്പിക്കുന്നതിൽ എഐ വഹിക്കുന്ന പങ്കിനെക്കുറിച്ചും അദ്ദേഹം സംസാരിച്ചു. "എഐ യന്ത്രങ്ങളെ ബുദ്ധിശക്തിയുള്ളതാക്കുന്നു, എന്നാൽ അതിനേക്കാളേറെ അത് മനുഷ്യന്റെ കഴിവുകളെ പലമടങ്ങ് വർധിപ്പിക്കുന്നു. മുൻപത്തെ മാറ്റങ്ങളിൽ നിന്ന് ഇതിനുള്ള ഏക വ്യത്യാസം ഇതിന്റെ വേഗതയും വ്യാപ്തിയും സമാനതകളില്ലാത്തതാണ് എന്നതാണ്," അദ്ദേഹം കൂട്ടിച്ചേർത്തു.

മനുഷ്യരും ഇന്റലിജൻസ് സംവിധാനങ്ങളും ഒന്നിച്ച് സൃഷ്ടിക്കുകയും പ്രവർത്തിക്കുകയും പരിണമിക്കുകയും ചെയ്യുന്ന ഒരു യുഗത്തിലേക്കാണ് നമ്മൾ പ്രവേശിക്കുന്നതെന്നും അദ്ദേഹം പറഞ്ഞു.

വ്യാഴാഴ്ച ഭാരത് മണ്ഡപത്തിൽ നടന്ന ചടങ്ങിൽ ഐക്യരാഷ്ട്രസഭ സെക്രട്ടറി ജനറൽ അന്റോണിയോ ഗുട്ടെറസ്, ഇന്റർനാഷണൽ മോണിറ്ററി ഫണ്ട് മാനേജിംഗ് ഡയറക്ടർ ക്രിസ്റ്റലീന ജോർജിയേവ എന്നിവരുൾപ്പെടെയുള്ള ലോക നേതാക്കളെ പ്രധാനമന്ത്രി സ്വാഗതം ചെയ്തു. ഫെബ്രുവരി 16 മുതൽ 20 വരെ ഭാരത് മണ്ഡപത്തിൽ നടക്കുന്ന അഞ്ച് ദിവസത്തെ ഉച്ചകോടിയിൽ 500ലധികം ആഗോള എഐ നേതാക്കളും 150 ഗവേഷകരും 400 ചീഫ് ടെക്നോളജി ഓഫീസർമാരും പങ്കെടുക്കുന്നുണ്ട്.

Summary: Prime Minister Narendra Modi introduced the 'MANAV' vision for Artificial Intelligence at the AI Impact Summit in New Delhi. Representing five core principles—Moral & Ethical systems, Accountable governance, National sovereignty, Accessible technology, and Valid systems—MANAV aims to position India at the forefront of human-centric AI development. Comparing AI to the invention of wireless technology, the PM highlighted that AI's true power lies in enhancing human capabilities. The summit, attended by global leaders like UN Chief Antonio Guterres and IMF's Kristalina Georgieva, serves as a major platform for over 500 AI experts and tech leaders to shape the future of global technology.