ബലാകോട്ട് വ്യോമാക്രമണം: കർണാടകയിൽ ബിജെപിക്ക് സീറ്റ് കൂട്ടുമെന്ന് ബി.എസ്.യെദ്യൂരപ്പ

Also Read-ജെയ്ഷ്-ഇ-മുഹമ്മദ് തലവനെ കരിമ്പട്ടികയിൽ ഉൾപ്പെടുത്തണമെന്ന് ലോകരാജ്യങ്ങൾ

അതിർത്തി കടന്ന് നടത്തിയ വ്യോമാക്രമണവും ഇതിനെ തുടർന്ന് ഇരുരാജ്യങ്ങളും തമ്മിലുണ്ടായ പ്രശ്നങ്ങളും ബിജെപി രാഷ്ട്രീയ നേട്ടത്തിനായി ഉപയോഗിക്കുന്നുവെന്ന പ്രതിപക്ഷ ആരോപണം ശക്തമായി നിലനിൽക്കെയാണ് മുതിർന്ന ബിജെപി നേതാവ് തന്നെ വിമർശനങ്ങൾ ശരിവക്കുന്ന തരത്തിലുള്ള തുറന്ന അഭിപ്രായ പ്രകടനം നടത്തിയിരിക്കുന്നതെന്നതും ശ്രദ്ധേയമാണ്.

'കഴി‍ഞ്ഞ ദിവസം പാകിസ്ഥാൻ അതിർത്തി കടന്ന നമ്മൾ അവിടെ മൂന്ന് ഭീകരക്യാംപുകളാണ് തകർത്തത്. ഇത് രാജ്യത്ത് മോദി അനുകൂലതരംഗം വീശാൻ ഇടയാക്കിയിട്ടുണ്ട്.ഈ തരംഗം വരുന്ന ലോക്സഭാ തെരഞ്ഞെടുപ്പിലും ഉണ്ടാകും. കേന്ദ്രത്തിന്റെ ഈ നീക്കം യുവാക്കളെ ആവേശഭരിതരാക്കിയിട്ടുണ്ട്. ഇത് കര്‍ണാടകയില്‍ 22ലധികം സീറ്റുകൾ നേടിയെടുക്കാൻ നമ്മളെ സഹായിക്കും' എന്നായിരുന്നു യെദ്യൂരപ്പയുടെ വാക്കുകൾ.

advertisement

Also Read-ഇന്ത്യ-പാക് സംഘർഷം: ആശങ്കയറിയിച്ച് ലോകരാഷ്ട്രങ്ങൾ; മധ്യസ്ഥ ചർച്ചയ്ക്ക് തയ്യാറെന്ന് റഷ്യ

'നമ്മുടെ 40 രക്തസാക്ഷികളുടെ മരണത്തിന് പകരം ചോദിച്ച് പാകിസ്ഥാനെ പാഠം പഠിപ്പിക്കാനുള്ള ധൈര്യം മോദി കാണിച്ചു.. സൈനികരുടെ ഓരോ തുള്ളി ചോരയ്ക്കും പകരം ചോദിക്കുമെന്ന് വാക്ക് നൽകിയിരുന്നു അത് പാലിച്ചു. പ്രതിപക്ഷ പാർട്ടികൾ അടക്കം എല്ലാവരും അത് സ്വീകരിക്കുകയും ചെയ്തു'. യെദ്യൂരപ്പ കൂട്ടിച്ചേർത്തു.