പുതുപ്പള്ളിയിൽ മാത്രമല്ല, ഉപതെരഞ്ഞെടുപ്പ് നടക്കുന്ന അഞ്ചിടത്ത് മത്സരിക്കുന്നത് മരിച്ചുപോയ ജനപ്രതിനിധിയുടെ ഉറ്റബന്ധുക്കൾ

പുതുപ്പള്ളി ഉപതെരഞ്ഞെടുപ്പ് ഫലം | Puthuppally By-Election Result Live Updates

Also Read- പുതുപ്പള്ളിയിൽ പോളിങ് ശതമാനം കഴിഞ്ഞതവണത്തെതിനെ മറികടന്നു; ഒരു മണിവരെ രണ്ടു ശതമാനത്തോളമാണ് വർധന

പുതുപ്പള്ളി (കേരളം)- മുൻമുഖ്യമന്ത്രിയും 53 വർഷം ജനപ്രതിനിധിയുമായിരുന്ന ഉമ്മൻ ചാണ്ടി അന്തരിച്ച ഒഴിവിൽ മത്സരിക്കുന്നത് മകൻ ചാണ്ടി ഉമ്മൻ. കോൺഗ്രസിന്റെ വിദ്യാർത്ഥി സംഘടനയായ കെഎസ്‍യുവിലൂടെയാണ് രാഷ്ട്രീയ പ്രവേശനം. 5 വർഷം മനു അഭിഷേക് സിങ്‌വിയുടെ ജൂനിയറായി പ്രവർത്തിച്ചു. യൂത്ത് കോൺഗ്രസ് ഔട്ട്റീച്ച് സെൽ ദേശീയ ചെയർമാൻ. രാഹുൽ ഗാന്ധിയുടെ ഭാരത് ജോഡോ യാത്രയിൽ സജീവ സാന്നിധ്യമായിരുന്നു.

advertisement

ബോക്സാനഗർ (ത്രിപുര)- നിയമസഭയിലെ സിറ്റിങ് സീറ്റിൽ അന്തരിച്ച എംഎൽഎ ഷംസുൽ ഹഖിന്റെ മകൻ മിസാൻ ഹുസൈനാണ് സിപിഎം സ്ഥാനാർഥി. ബിജെപിയുടെ തഫജൽ ഹുസൈൻ എതിർ സ്ഥാനാർത്ഥി. ജൂലൈ 19നായിരുന്നു സിറ്റിങ് എംഎൽഎയായിരുന്ന ഷംസുൽ ഹഖ് അന്തരിച്ചത്. സിപിഎം സ്ഥാനാർത്ഥിക്ക് കോൺഗ്രസ് പിന്തുണയുമുണ്ട്.

ധൻപൂർ (ത്രിപുര)- ബിജെപി എംഎൽഎ പ്രതിമ ഭൗമിക് ലോകസഭാ അംഗത്വം നിലനിർത്തുന്നതിനായി  രാജിവെച്ചതോടെയാണ് നിയമസഭാ സീറ്റിലേക്ക് ഉപതെരഞ്ഞെടുപ്പ് വേണ്ടിവന്നത്. അവരുടെ സഹോദരൻ ബിന്ദു ദേബ്‌നാഥ് ആണ് ബിജെപി സ്ഥാനാർത്ഥി.

ദുമ്രി (ജാർഖണ്ഡ്)- ജാർഖണ്ഡ് മുക്തി മോർച്ച (ജെഎംഎം) എംഎൽഎ ജാഗർനാഥ് മഹാതോ മരിച്ച ഒഴിവിലേക്ക് നടക്കുന്ന ഉപതെരഞ്ഞെടുപ്പിൽ അദ്ദേഹത്തിന്റെ ഭാര്യ ബേബി ദേവിയാണ് സ്ഥാനാർത്ഥി. എൻഡിഎയിലെ ഓൾ ജാർഖണ്ഡ് സ്റ്റുഡന്റ്സ് യൂണിയൻ സ്ഥാനാർത്ഥി യശോദ ദേവിയാണ് പ്രധാന എതിരാളി.

ബാഗേശ്വർ (ഉത്തരാഖണ്ഡ്)- അന്തരിച്ച ബിജെപി എംഎൽഎ ചന്ദ്രൻ റാം ദാസിന്റെ ഭാര്യ പാർവതിയാണ് സ്ഥാനാർത്ഥി. ആം ആദ്മി പാർട്ടി വിട്ട് കോൺഗ്രസിലെത്തിയ ബസന്ത് കുമാറാണ് പ്രധാന എതിരാളി.