പുതുപ്പള്ളിയിൽ പോളിങ് ശതമാനം കഴിഞ്ഞതവണത്തെതിനെ മറികടന്നു; ഒരു മണിവരെ രണ്ടു ശതമാനത്തോളമാണ് വർധന

Also Read- സകുടുംബം വോട്ട് ചെയ്ത് ചാണ്ടി ഉമ്മനും മന്ത്രി വി.എന്‍ വാസവനും; പുതുപ്പള്ളിയിലെ പോളിങ് കാഴ്ചകള്‍

രാവിലെ 11 മണിയോടെ പുതുപ്പള്ളി, മണർകാട്, പാമ്പാടി, അയർക്കുന്നം മേഖലകളിൽ ഉൾപ്പെടെ കനത്ത മഴ പെയ്തത് പോളിങ് മന്ദഗതിയിലാക്കിയിരുന്നു. മഴ മാറിയതോടെ പോളിങ് സ്റ്റേഷനുകളിലെല്ലാം വോട്ടര്‍മാരുടെ നീണ്ടനിരയാണ്. ഇടത്- വലത് സ്ഥാനാർഥികൾ രണ്ടു പേരും രാവിലെ തന്നെ വോട്ട് രേഖപ്പെടുത്തി. എൽഡിഎഫ് സ്ഥാനാർത്ഥി ജെയ്ക് സി തോമസ് മണർകാട് ഗവ. എൽപി സ്കൂളിലെ 72ാം നമ്പർ ബൂത്തിലെത്തി വോട്ടു രേഖപ്പെടുത്തി. നീണ്ട ക്യൂവിൽ ദീർഘനേരം കാത്തുനിന്നശേഷമാണ് ജെയ്ക്ക് വോട്ടു രേഖപ്പെടുത്തിയത്.

Also Read- പുതുപ്പള്ളിയില്‍ ഇടതിന് അനുകൂലമായ വിധിയെഴുത്തുണ്ടാകും; വികസന ചര്‍ച്ചയില്‍ നിന്ന് യുഡിഎഫ് ഒളിച്ചോടിയെന്ന് ജെയ്ക്ക്

യുഡിഎഫ് സ്ഥാനാർത്ഥി ചാണ്ടി ഉമ്മൻ പുതുപ്പള്ളി ജോർജിയൻ പബ്ലിക് സ്കൂളിലെ 126ാം നമ്പർ ബൂത്തിൽ വോട്ട് ചെയ്തു. അമ്മ മറിയാമ്മ ഉമ്മനും സഹോദരിമാരായ അച്ചുവിനും മരിയത്തിനും ഒപ്പം എത്തിയാണ് വോട്ട് രേഖപ്പെടുത്തിയത്. മന്ത്രി വി എൻ വാസവൻ പാമ്പാടി എംജിഎം ഹൈസ്കൂളിൽ വോട്ട് രേഖപ്പെടുത്തി. ബിജെപി സ്ഥാനാർത്ഥി ലിജിൻ ലാൽ കടുത്തുരുത്തി മണ്ഡലത്തിലെ കുറിച്ചിത്താനം സ്വദേശിയായതിനാൽ പുതുപ്പള്ളിയിൽ വോട്ടില്ല.

Also Read- Puthuppally Bypolls | പുതുപ്പള്ളി: ലോക്സഭാ തിരഞ്ഞെടുപ്പിലേക്കുള്ള റിഹേഴ്സൽ; പ്രതീക്ഷയിൽ യു.ഡി.എഫ്.

വൈകിട്ട് 6 വരെയാണ് പോളിങ്. ആംആദ്മി പാർട്ടിയുടേത് ഉൾപ്പെടെ 7 പേർ മത്സരരംഗത്തുണ്ട്. 90,281 സ്ത്രീകളും 86,132 പുരുഷന്മാരും നാലു ട്രാൻസ്ജെൻഡറുകളും അടക്കം 1,76,417 വോട്ടർമാരാണ് മണ്ഡലത്തിലുള്ളത്.