സ്ത്രീകളെ ജോലിക്കെടുക്കാൻ മടിക്കും'; ആർത്തവ അവധി ഹർജിയിൽ സുപ്രീം കോടതി

ആർത്തവം എന്നത് മോശം കാര്യമാണെന്ന ചിന്താ​ഗതി തൊഴിലുടമകൾക്കിടയിൽ വളരാൻ സാധ്യതയുണ്ട്. ഇത്തരമൊരു നിയമം വന്നാൽ അവർ സ്ത്രീകളെ ജോലിക്കെടുക്കാൻ വിമുഖത കാണിക്കും. തൊഴിലുടമകളുടെ നിലപാട് പരി​ഗണിക്കാതെ ഇത്തരമൊരു നിയമം നിർബന്ധമാക്കിയാൽ ജുഡീഷ്യറിയിലോ സർക്കാർ സർവീസിലോ പോലും സ്ത്രീകൾക്ക് ജോലി ലഭിക്കാത്ത സാഹചര്യം ഉണ്ടാകുമെന്നും കോടതി വ്യക്തമാക്കി.

കേരളത്തിലെ സർവകലാശാലകളിൽ ആർത്തവ അവധി അനുവദിച്ച കാര്യം മുതിർന്ന അഭിഭാഷകൻ കോടതിയിൽ പരാമർശിച്ചു. പല സ്വകാര്യ കമ്പനികളും ഇത്തരത്തിൽ ആർത്തവ അവധി നൽകുന്നുണ്ടെന്നും അദ്ദേഹം കോടതിയെ അറിയിച്ചു. എന്നാൽ, സ്വമേധയാ സ്വീകരിക്കുന്ന നയങ്ങൾ സ്വാഗതാർഹമാണെന്നും നിയമം വഴി അത്തരം വ്യവസ്ഥകൾ നിർബന്ധമാക്കാനാകില്ലെന്നും ചീഫ് ജസ്റ്റിസ് ഇതിന് മറുപടി നൽകി.

advertisement