ത്രിപുര ഇന്ന് പോളിങ് ബൂത്തിലേക്ക്; ഭരണം നിലനിര്‍ത്താന്‍ ബിജെപി; തിരിച്ചുപിടിക്കാന്‍ കോണ്‍ഗ്രസ്-സിപിഎം സഖ്യം

തൊട്ടടുത്ത സംസ്ഥാനങ്ങളായ അസമിലേക്കും മിസോറമിലേക്കുമുള്ള അതിർത്തികൾ കഴിഞ്ഞദിവസം അടച്ചിരുന്നു. രാത്രി പത്തുമുതൽ രാവിലെ ആറുവരെ 144 പ്രഖ്യാപിച്ചിട്ടുണ്ട്. നാഗാലാൻഡ്, മേഘാലയ സംസ്ഥാനങ്ങൾക്കൊപ്പം മാർച്ച് രണ്ടിനാകും വോട്ടെണ്ണൽ.

Also Read-Tripura Elections: ത്രിപുരയിലെ തിരഞ്ഞെടുപ്പ് എന്തുകൊണ്ടാണ് ബിജെപിക്കും സിപിഎമ്മിനും കോൺഗ്രസിനും നിർണായകമാകുന്നത്? 10 കാരണങ്ങൾ

മികച്ച ഭൂരിപക്ഷത്തോടെ അധികാരം നിലനിര്‍ത്തി ഭരണതുടര്‍ച്ച നേടാനുള്ള  ശ്രമത്തിലാണ് ബിജെപി. പ്രധാനമന്ത്രി നരേന്ദ്രമോദി അടക്കമുള്ളവരെത്തി പ്രചാരണം കൊഴുപ്പിച്ച ത്രിപുരയില്‍ ജയത്തില്‍ കുറഞ്ഞതൊന്നും ബിജെപി പ്രതീക്ഷിക്കുന്നില്ല. കോണ്‍ഗ്രസിന്‍റെ കൈപിടിച്ച് ഭരണത്തിലേക്ക് തിരിച്ചുവരാനുള്ള പ്രവര്‍ത്തനമാണ് പ്രചരണഘട്ടത്തില്‍ സിപിഎം നടത്തിയത്. ത്രിപുരയില്‍ പരീക്ഷിക്കുന്ന ഈ രാഷ്ട്രീയ സമവാക്യം ഫലം കാണും എന്ന പ്രതീക്ഷയിലാണ് പാര്‍ട്ടി നേതൃത്വം.

advertisement

Also Read- ത്രിപുര തിരഞ്ഞെടുപ്പ്: ‘വോട്ടെണ്ണല്‍ ദിനം 12 മണിക്ക് മുമ്പ് BJP ഭൂരിപക്ഷം നേടും’: അമിത് ഷാ

പ്രബലരായ രണ്ട് മുന്നണികളെയും ഞെട്ടിച്ചുകൊണ്ട് ത്രിപുരയിലെ കറുത്തകുതിരകളാകാന്‍ ഒരുങ്ങുന്ന തിപ്ര മോത്ത പാര്‍ട്ടിക്കും തെരഞ്ഞെടുപ്പ് നിര്‍ണായകമാണ്.  13.53 ലക്ഷം സ്ത്രീകളുൾപ്പെടെയുള്ള 28.13 ലക്ഷം വോട്ടർമാരാണ് ആകെയുള്ള 259 സ്ഥാനാര്‍ത്ഥികളുടെ വിധി നിർണയിക്കുക.