ഓഗസ്റ്റ് 2ന് രാവിലെ 11 മണിയോടെയായിരുന്നു സംഭവം. ജയ്പുരില്‍നിന്ന് മടങ്ങവെ രാജീവ് ചൗക്കിലെത്തിയ യുവതി അവിടെ നിന്ന് വീട്ടിലേക്കെത്താന്‍ ടാക്‌സി ബുക്ക് ചെയ്ത് കാത്തുനില്‍ക്കുകയായിരുന്നു. ഈ സമയത്താണ് ഒരാള്‍ യുവതിയുടെ അടുത്തേക്കെത്തുന്നത്.
''അയാള്‍ എനിക്കു ചുറ്റും നടന്നുകൊണ്ടിരുന്നു. എന്നെ നിരന്തരം തുറിച്ചുനോക്കുന്നുമുണ്ടായിരുന്നു. ആദ്യം ഞാന്‍ അത് അവഗണിച്ചു. പക്ഷേ, പിന്നീട് അയാള്‍ പാന്റിന്റെ സിബ്ബ് അഴിച്ചിരിക്കുന്നത് എന്റെ ശ്രദ്ധയില്‍പ്പെട്ടു. പിന്നാലെ എന്നെ നോക്കി അയാള്‍ സ്വയംഭോഗം ചെയ്യാന്‍ തുടങ്ങി'', യുവതി പറഞ്ഞു.
advertisement
ഇയാളുടെ പ്രവൃത്തി സോണി ഫോണില്‍ പകര്‍ത്തി. ഈ സമയം പൊലീസിനെയും വനിതാ ഹെല്‍പ്പ് ലൈനിനെയും വിളിച്ചെങ്കിലും ഒരു പ്രതികരണവും ലഭിച്ചില്ലെന്നും യുവതി വ്യക്തമാക്കി. ബുക്ക് ചെയ്ത ടാക്‌സിയുടെ ഡ്രൈവറെ വിളിച്ചെങ്കിലും പ്രയോജനമുണ്ടായില്ല. ഒടുവില്‍ മറ്റൊരു വാഹനത്തിലാണ് യുവതി വീട്ടിലെത്തിയത്.
പിന്നാലെ യുവതി തനിക്കുണ്ടായ ദുരനുഭവം വെളിപ്പെടുത്തി ഈ ദൃശ്യങ്ങള്‍ അടങ്ങുന്ന ഒരു വീഡിയോ സോഷ്യല്‍ മീഡിയയില്‍ പങ്കുവെച്ചു. വീഡിയോ സോഷ്യല്‍ മീഡിയയില്‍ പങ്കിട്ട് രണ്ടു ദിവസങ്ങള്‍ക്ക് ശേഷമാണ് ഗുരുഗ്രാം പൊലീസ് യുവതിയെ ബന്ധപ്പെടുന്നത്. എഫ്ഐആര്‍ രജിസ്റ്റര്‍ ചെയ്യാന്‍ പൊലീസ് സ്റ്റേഷനില്‍ എത്താന്‍ ആവശ്യപ്പെട്ടെന്നും യുവതി വെളിപ്പെടുത്തി.
'എനിക്ക് വെറുപ്പും സുരക്ഷിതത്വമില്ലായ്മയും നിസ്സഹായതയും തോന്നി. പകല്‍ സമയത്തും സ്ത്രീകള്‍ പൊതുസ്ഥലത്ത് സുരക്ഷിതരല്ലാത്തത് എന്തുകൊണ്ടാണ്? ഇത്തരം വൃത്തികേടുകള്‍ക്കെതിരേ കര്‍ശന നടപടി ആവശ്യമാണ്. പൊതു ഇടങ്ങള്‍ സ്ത്രീകള്‍ക്ക് സുരക്ഷിതമായിരിക്കണം'- യുവതി പറയുന്നു. പ്രതിയെ കണ്ടെത്താന്‍ അന്വേഷണം ആരംഭിച്ചിട്ടുണ്ടെന്നും സിസിടിവി ദൃശ്യങ്ങള്‍ അടക്കം പരിശോധിക്കുന്നുണ്ടെന്നും പൊലീസ് അറിയിച്ചു.
Summary: A disturbing incident of public harassment has emerged from Rajiv Chowk in Gurugram, where a model was allegedly harassed by a man in broad daylight while she was waiting for a cab. The victim shared the ordeal through a video.