എഐ ഉച്ചകോടിക്കിടെ ഷർട്ട് ഊരി പ്രതിഷേധം, മുദ്രാവാക്യം വിളി; നാല് യൂത്ത് കോൺഗ്രസ് പ്രവർ‌ത്തകർ കസ്റ്റഡിയിൽ

ഓൺലൈൻ വഴി രജിസ്റ്റർ ചെയ്ത് സാധാരണ സന്ദർശകരെന്ന നിലയിലാണ് ഇവർ അകത്തുകടന്നതെന്ന് പോലീസ് അറിയിച്ചു. ജാക്കറ്റിനും സ്വെറ്ററിനും ഉള്ളിൽ ധരിച്ചിരുന്ന ടിഷർട്ടുകൾ ഊരി വീശിക്കൊണ്ടായിരുന്നു പ്രതിഷേധം. പ്രതിഷേധവുമായി ബന്ധപ്പെട്ട് ബിഹാർ സ്വദേശികളായ കൃഷ്ണ ഹരി (ദേശീയ സെക്രട്ടറി), കുന്ദൻ യാദവ്, അജയ് കുമാർ, നരസിംഹ യാദവ് (നാഷണൽ കോർഡിനേറ്റർ) എന്നീ നാല് യൂത്ത് കോൺഗ്രസ് നേതാക്കളെ പോലീസ് കസ്റ്റഡിയിലെടുത്തു. ഇവർക്കെതിരെ എഫ്ഐആർ രജിസ്റ്റർ ചെയ്യുമെന്ന് പോലീസ് അറിയിച്ചു.

യൂത്ത് കോൺഗ്രസിന്റെ നിലപാട്

advertisement

എഐ ഉച്ചകോടിയിലൂടെ പ്രധാനമന്ത്രി രാജ്യത്തിന്റെ സ്വത്വം വിൽക്കുകയാണെന്ന് ആരോപിച്ചാണ് പ്രതിഷേധമെന്ന് യൂത്ത് കോൺഗ്രസ് വ്യക്തമാക്കി. തൊഴിലില്ലായ്മയ്ക്കും കേന്ദ്ര നയങ്ങൾക്കുമെതിരെയുള്ള പോരാട്ടമാണിതെന്ന് ദേശീയ അധ്യക്ഷൻ ഉദയ് ഭാനു ചിബ് പറഞ്ഞു.

ബിജെപിയുടെ വിമർശനം

അന്താരാഷ്ട്ര വേദിക്കുള്ളിൽ നടന്ന ഈ പ്രതിഷേധത്തെ ബിജെപി ശക്തമായി അപലപിച്ചു. ഇന്ത്യയുടെ പ്രതിച്ഛായയെ ലോകത്തിന് മുന്നിൽ മോശമാക്കാനാണ് കോൺഗ്രസ് ശ്രമിക്കുന്നതെന്ന് കേന്ദ്രമന്ത്രി പിയൂഷ് ഗോയലും മറ്റ് ബിജെപി നേതാക്കളും ആരോപിച്ചു. ഇത് "ബുദ്ധിശൂന്യവും അന്തസ്സില്ലാത്തതുമായ" പ്രതിഷേധമാണെന്ന് ബിജെപി വക്താവ് ഷെഹ്‌സാദ് പൂനവാല പറഞ്ഞു.

ഉച്ചകോടി വെറുമൊരു പിആർ സ്റ്റണ്ട് മാത്രമാണെന്നും സംഘാടനത്തിൽ വലിയ പിഴവുകളുണ്ടെന്നും കോൺഗ്രസ് അധ്യക്ഷൻ മല്ലികാർജുൻ ഖാർഗെയും രാഹുൽ ഗാന്ധിയും നേരത്തെ ആരോപിച്ചിരുന്നു. ഉച്ചകോടിയിൽ അടിസ്ഥാന സൗകര്യങ്ങളുടെ കുറവുണ്ടെന്നും ഇന്ത്യയുടെ ഡേറ്റ വിൽക്കുകയാണെന്നും ഇവർ ആരോപിച്ചിരുന്നു.

Summary: On the fifth day of the global AI Impact Summit 2026 in New Delhi, workers of the Indian Youth Congress (IYC) staged a dramatic shirtless protest inside the AI Expo Hall at Bharat Mandapam, leading to a major political face-off. Using QR codes obtained via online registration, IYC workers entered the venue disguised as visitors. Around 12:30 PM, they removed their sweaters and jackets to reveal protest T-shirts and posters, chanting slogans against the Prime Minister Narendra Modi-led government.