Also Read- IPL 2020 Full Schedule | ആദ്യ പോരാട്ടം മുംബൈയും ചെന്നൈയും തമ്മിൽ; ഐപിഎൽ മത്സരക്രമം പുറത്ത്
മുംബൈ ഇന്ത്യൻസ് പങ്കുവെച്ച പരിശീലന വീഡിയോയിൽ ആറു വ്യത്യസ്ത ബൗളിംഗ് ആക്ഷനുകളാണ് ബുംറ അനുകരിക്കുന്നത്. ഏതൊക്കെ താരങ്ങളുടെ ആക്ഷനാണ് ബുംറ അനുകരിക്കുന്നതെന്ന് വീഡിയോ കണ്ടിട്ട് പ്രേക്ഷകർക്ക് തന്നെ കണ്ടെത്താം.
വീഡിയോ കാണാം:
അഞ്ചുമാസത്തിന് ശേഷം ഇതാദ്യമായാണ് ബുംറ ഫീൽഡിൽ ഇറങ്ങുന്നത്. ഐപിഎൽ ലീഗിൽ മികച്ച പ്രകടനത്തിന് ഉടമയാണ് ഈ ഇന്ത്യൻ ബൗളർ. 2013ലായിരുന്നു അരങ്ങേറ്റം. ഇതുവരെ 84 വിക്കറ്റുകളാണ് ബുംറ സ്വന്തം പേരിനൊപ്പം ചേർത്തത്. ഐപിഎല്ലിലെ സൂപ്പർ പ്രകടനത്തെ തുടർന്നാണ് 2016ൽ ബുംറ ഇന്ത്യൻ ടീമിന്റെ ഭാഗമായത്.
Also Read- IPL 2020| ഹർഭജൻ സിങ്ങിന്റെ പിന്മാറ്റം ടീമംഗങ്ങൾക്ക് കോവിഡ് ബാധിച്ചതിനെ തുടർന്നോ? അല്ലെന്ന് സുഹൃത്ത്
അബുദാബിയിൽ സെപ്റ്റംബർ 19നാണ് ചെന്നൈ സൂപ്പർ കിംഗ്സ്- മുംബൈ ഇന്ത്യൻസ് ഉദ്ഘാടന മത്സരം. ആരാധകർ ഏറെനാളായി കാത്തിരുന്ന മത്സര ക്രമം ബിസിസിഐ ഞായറാഴ്ച പുറത്തുവിട്ടിരുന്നു. 2019 ഡിസംബറിൽ നടന്ന ഐപിഎൽ ലേലത്തിൽ നിന്ന് ടീമുകൾ നിരവധി മാറ്റങ്ങളിലൂടെ കടന്നുപോയെങ്കിലും മുംബൈ ഇന്ത്യൻസ് ടീമിൽ വലിയ മാറ്റങ്ങളൊന്നുമില്ല.