ജിമ്മിൽ നിന്ന് മടങ്ങും വഴി ബൈക്ക് വൈദ്യുതി പോസ്റ്റിലിടിച്ച് 20കാരിക്ക് ദാരുണാന്ത്യം

ജിമ്മിൽ നിന്നും ബുള്ളറ്റ് ഓടിച്ച് വീട്ടിലേക്ക് മടങ്ങുന്ന വഴിയായിരുന്നു അപകടം സംഭവിച്ചത്. നിയന്ത്രണം വിട്ട ബൈക്ക് ആദ്യം വൈദ്യുത പോസ്റ്റിൽ ഇടിക്കുകയും നിത്യയുടെ തല ബൈക്കിന്റെ ക്രാഷ് ബാരിയറിൽ ഇടിക്കുകയുമായിരുന്നു. ഇടിയുടെ ആഘാതത്തിൽ നിത്യ റോഡിലേക്ക് തെറിച്ചുവീണു.

നാട്ടുകാർ ചേർന്ന് കോട്ടയം മെഡിക്കൽ കോളേജ് ആശുപത്രിയിൽ എത്തിച്ചെങ്കിലും രാത്രി പത്തുമണിയോടെ മരണം സംഭവിക്കുകയായിരുന്നു. സംഭവത്തിൽ ഗാന്ധിനഗർ പോലീസ് കേസെടുത്തു.