അമ്മമാരെ പറയിപ്പിക്കാൻ പാടുണ്ടോ രാഹുൽ ​ഗാന്ധി? പരിഹസിച്ച് എ എൻ ഷംസീർ

'മലയാളം അറിയാത്തയാൾക്ക് പാട്ട് ഇം​ഗ്ലീഷിൻ എഴുതികൊടുത്തുവെന്നും അത് പാടുമ്പോൾ 'സ്വർണം കറ്റതാരപ്പ' എന്നേ വരൂ. ഇത് എല്ലാവരും ഫെയ്സ്ബുക്കിൽ പോസ്റ്റ് ചെയ്തു. അമ്മയെ പറയിപ്പിക്കുന്ന മക്കളാകാൻ പാടുണ്ടോ. രാഹുൽ ​ഗാന്ധി എന്ന ദേശീയ നേതാവിൽ നിന്ന് നിലവാരം പ്രതീക്ഷിക്കുന്നു'.

ഛത്തീസ്​ഗഢിൽ കന്യാസ്ത്രീകളെ ആക്രമിച്ചവരോടൊപ്പമാണ് പിണറായി വിജയൻ നിന്നതെന്ന് ഇന്നലെ വന്നുപറഞ്ഞു. രാഹുൽ ​ഗാന്ധി നിങ്ങൾ ഈ രാജ്യത്തിന്റെ നേതാവാണ്. നിങ്ങൾ കളവ് പറയാൻ പാടില്ല. നിങ്ങളിൽ നിന്ന് ജനം പ്രതീക്ഷിക്കുന്നത് നിലവാരമാണ്. ആ നിലവാരം അദ്ദേഹത്തിന് ഉണ്ടാകുന്നില്ല. കെ സി വേണു​ഗോപാൽ ചെവി കടിക്കുന്നത് കൊണ്ടാണ് ആ നിലവാരം ഇല്ലാത്തത്. ഈ ചെവികടിയിൽ നിന്ന് മോചിതനായാൽ മാത്രമേ നിങ്ങൾ രക്ഷപ്പെടുകയുള്ളൂ. അല്ലെങ്കിൽ കോൺ​ഗ്രസും രാഹുൽ ​ഗാന്ധിയുടെ ഒരു കാലവും രക്ഷപ്പെടില്ലെന്നും എ എൻ ഷംസീർ പറഞ്ഞു.

advertisement