പഴനിയിലും ശബരിമലയിലുമൊക്കെ ചെയ്യേണ്ട പൂജകൾ ഇപ്പോൾ സെക്രട്ടേറിയറ്റിന് മുന്നിലാണ്; സർക്കാരിനെ വിമർശിച്ച് സലിംകുമാര്‍

നടന്റെ വാക്കുകളുടെ പൂർണരൂപം ഇങ്ങനെ,' പി.എസ്.സി പരീക്ഷയിൽ സിപിഒ റാങ്ക് ലിസ്റ്റിൽ വന്ന പെൺകുട്ടികൾ കൈയിൽ കർപ്പൂരം കത്തിക്കുന്നു. സാധാരണ പഴനിയിലും ശബരിമലയിലും ഒക്കെ അങ്ങനത്തെ ഭക്തി കണ്ടിട്ടുണ്ട്. മുട്ടിലിഴയുന്നു തലമുണ്ഡനം ചെയുന്നു നമ്മുടെ ആശ വർക്കർമാർ. ഇതൊക്കെ എന്താ ? പഴനിയിലും ശബരിമലയിലും തിരുപ്പതിയിലുമൊക്കെ ചെയ്യേണ്ട വഴിപാടൊക്കെ ഇപ്പോള്‍ സെക്രട്ടേറിയറ്റിന് മുന്നിലാണ് ചെയ്യുന്നത്' നടൻ പറഞ്ഞു. അതേസമയം, പെൺകുട്ടികളെ കുറിച്ച് നടൻ നടത്തിയ പരാമർശവും ഇപ്പോൾ സമൂഹമാധ്യമങ്ങളിൽ ചർച്ചയാവുകയാണ്. പെണ്‍പിള്ളേരെല്ലാം നടന്നുപോകുന്നത് മൊബൈലില്‍ സംസാരിച്ചുകൊണ്ടാണെന്നും എന്താണിവര്‍ക്കിത്ര സംസാരിക്കാനുള്ളതെന്നും പ്രധാനമന്ത്രി നരേന്ദ്ര മോദിക്ക് പോലും ഇത്രയും ഫോണ്‍ കോള്‍ ഉണ്ടാകില്ലെന്നും ഇവരെല്ലാം പഠിക്കുന്ന കുട്ടികളാണെന്നും സലികുമാർ പറഞ്ഞു.

advertisement