പിണറായി വിജയൻ അടുത്ത തവണയും മുഖ്യമന്ത്രിയാകുമെന്ന് കോൺഗ്രസ് നേതാവ് മണിശങ്കർ അയ്യർ

കേരളത്തിന്റെ വികസന മുന്നേറ്റങ്ങളെയും സംസ്ഥാന സർക്കാരിന്റെ പ്രവർത്തനങ്ങളെയും പ്രശംസിച്ച മണിശങ്കർ അയ്യർ,  സമൂഹത്തിന്റെ പുരോഗതിക്കായി മഹാത്മാഗാന്ധി കാണിച്ചുതന്ന പാതയിലൂടെ സഞ്ചരിച്ച സംസ്ഥാനമാണ് കേരളമെന്നും, ഗാന്ധിജിയുടെ ദർശനങ്ങൾ ഇന്ത്യയിൽ നടപ്പിലാക്കിയത് ഒരു കമ്മ്യൂണിസ്റ്റ് മാർക്സിസ്റ്റ് പാർട്ടിയാണെന്നും പറഞ്ഞു.

അതേസമയം, കോൺഗ്രസ് സമ്മേളനം ബഹിഷ്കരിച്ചതിൽ അദ്ദേഹം ഖേദം പ്രകടിപ്പിച്ചു. മുൻ പ്രധാനമന്ത്രി രാജീവ് ഗാന്ധിയുടെ വികേന്ദ്രീകരണ ആശയങ്ങൾ മറ്റേത് സംസ്ഥാനത്തേക്കാളും മികച്ച രീതിയിൽ പ്രാവർത്തികമാക്കാൻ കേരളത്തിന് സാധിച്ചിട്ടുണ്ടെന്നും അദ്ദേഹം കൂട്ടിച്ചേർത്തു.

സംസ്ഥാന ആസൂത്രണ ബോർഡിന്റെ നേതൃത്വത്തിൽ നിയമസഭാ മന്ദിരത്തിലെ ശങ്കരനാരായണൻ തമ്പി ഹാളിലാണ് 'വിഷൻ 2031: വികസനവും ജനാധിപത്യവും' എന്ന വിഷയത്തിൽ മൂന്ന് ദിവസത്തെ അന്താരാഷ്ട്ര കോൺഫറൻസ് നടക്കുന്നത്. മുഖ്യമന്ത്രി പിണറായി വിജയനാണ് കോൺഫ്രൻസ് ഉദ്ഘാടനം ചെയ്തത്. ചടങ്ങിൽ ഫലസ്തീൻ അംബാസഡർ അബ്ദുല്ല അബു ഷാവേസ്, മന്ത്രിമാരായ എ.കെ. ശശീന്ദ്രൻ, ജി.ആർ. അനിൽ, പി. പ്രസാദ് എന്നിവരും മറ്റ് പ്രമുഖരും പങ്കെടുത്തു.

advertisement