സംവിധായകൻ ഷംസു സൈബയെ അറസ്റ്റ് ചെയ്ത സംഭവത്തിൽ‌ പോലീസിനെതിരെ കോടതിയുടെ രൂക്ഷ വിമർശനം

ദൃശ്യം പരിശോധിച്ച കോടതി തൃപ്പൂണിത്തുറ ഹിൽപാലസ് പോലീസ് സ്റ്റേഷനിലെ സ്റ്റേഷൻ ഓഫീസറോട് നേരിട്ട് ഹാജരായി വിശദീകരണം നൽകണമെന്ന് ആവശ്യപ്പെട്ടു. ഇതിലും വലിയ ക്രിമിനൽ കേസുകളിൽ കാണിക്കാത്ത ജാഗ്രതയും അതിവേഗവും എന്തിനാണ് എന്നായിരുന്നു കോടതിയുടെ ചോദ്യം. നിയമം ലംഘിച്ചുള്ള ഇത്തരം കാര്യങ്ങളിൽ കർശനമായി നടപടി സ്വീകരിക്കുമെന്നും കോടതി താക്കീത് നൽകി.

കേസിൽ പ്രതിചേർക്കപ്പെട്ട മറ്റ് അണിയറ പ്രവർത്തകരുടെ ജാമ്യഹർജിയിൽ വിധി പറയുന്നത് വരെ അറസ്റ്റ് തടഞ്ഞ് ഉത്തരവായി. അമിത പ്രാധാന്യത്തോടെ കേസ് പരിഗണിച്ചതിന് പിന്നിൽ രാഷ്ട്രീയ താൽപര്യങ്ങൾ കൂടിയുണ്ട് എന്നാണ് ആരോപണം. പരാതിക്കാരുടെ രാഷ്ട്രീയ ബന്ധവും അത് തെളിയിക്കുന്ന ചിത്രങ്ങളും അണിയറ പ്രവർത്തകർ പുറത്ത് വിട്ടിരുന്നു.

advertisement

ഒരു വർഷം മുമ്പ് റിലീസ് ചെയ്ത അഭിലാഷം ചിത്രത്തിന്റെ പ്രതിഫലം അടക്കം കുടിശികയായി നിൽക്കുമ്പോഴാണ് സാമ്പത്തിക ആരോപണങ്ങൾ ഉന്നയിച്ച് നിർമാതാക്കൾ പരാതി നൽകിയതെന്ന് സംവിധായകൻ പറയുന്നു. നിയമപരമായ നടപടികൾ തുടരുമെന്ന് സിനിമയുടെ അണിയറ പ്രവർ‌ത്തകർ വ്യക്തമാക്കി.

Summary: The Ernakulam Principal Sessions Court has strongly criticized the Kerala Police for the manner in which they arrested Shamzu Saiba, the director of the film Abhilasham. The court questioned the Hill Palace SHO's "unusual interest" and "over-enthusiasm" in this case, which is not seen even in more serious criminal matters. Visuals submitted to the court showed the police breaking down the door of the director’s flat to take him into custody.