സിപിഎം എംഎല്‍എ കെ. ശാന്തകുമാരിയെ ഡിജിറ്റല്‍ അറസ്റ്റ് ചെയ്യാന്‍ ശ്രമം

കഴിഞ്ഞ ദിവസം രാവിലെയാണ് മുംബൈയിൽ നിന്നെന്ന വ്യാജേന എംഎൽഎയ്ക്ക് ഫോൺ കോൾ ലഭിച്ചത്. പഹൽഗാം ഭീകരാക്രമണക്കേസിലെ പ്രതി ഉപയോഗിക്കുന്ന സിം കാർഡ് എംഎൽഎയുടെ പേരിൽ എടുത്തതാണെന്നും ഇതുമായി ബന്ധപ്പെട്ട അന്വേഷണത്തിന്റെ ഭാഗമായാണ് വിളിക്കുന്നതെന്നുമാണ് തട്ടിപ്പുകാർ പറഞ്ഞത്. തുടർന്ന് പോലീസ് വേഷം ധരിച്ചവർ വീഡിയോ കോളിലെത്തി സംസാരിച്ചു. കേസ് അതീവ ഗുരുതരമാണെന്നും ഭവിഷ്യത്ത് അനുഭവിക്കേണ്ടി വരുമെന്നും പറഞ്ഞ് അവർ ഭീഷണിപ്പെടുത്തുകയായിരുന്നു.

രണ്ടു മണിക്കൂറോളം വീഡിയോ കോൾ നീണ്ടു. ഒരു ഘട്ടത്തിൽ തന്നെ ഡിജിറ്റൽ അറസ്റ്റിലേക്ക് നീങ്ങുകയാണെന്ന സൂചന ലഭിച്ചതോടെയാണ് എംഎൽഎയ്ക്ക് തട്ടിപ്പാണെന്ന് ബോധ്യപ്പെട്ടത്. ഉടൻ തന്നെ വിവരം പോലീസിനെ അറിയിക്കുകയായിരുന്നു. സംഭവത്തിൽ പൊലീസ് അന്വേഷണം ഊർജ്ജിതമാക്കിയിട്ടുണ്ട്.

advertisement