പിതാവ്‌ ഓടിച്ച ഓട്ടോ നിയന്ത്രണം വിട്ട് തലകീഴായ് മറിഞ്ഞു; എട്ടു വയസുകാരൻ മരിച്ചു

Also read- സംസ്ഥാനത്ത് വൈദ്യുതി നിരക്ക് കൂട്ടി; 4 മാസത്തേക്ക് യൂണിറ്റിന് ഒമ്പത് പൈസ കൂടും

വെള്ളുമണ്ണടി സർക്കാർ എൽ.പി. സ്കൂളിലെ മൂന്നാം ക്ലാസ് വിദ്യാർഥിയാണ് മരിച്ച അഭിനവ്. ഓട്ടോ ഓടിച്ചിരുന്ന ബിനുമോൻ (40), ബിനുമോന്റെ ഭാര്യ രാജി (28), ഇവരുടെ മറ്റൊരു മകൻ വൈഷ്ണവ് (11), ബിനുമോന്റെ സഹോദരപുത്രൻ അദ്വൈത് (13), ബിനുവിന്റെ പിതാവ് ധർമ്മരാജൻ (61) എന്നിവർക്കാണ് പരിക്കേറ്റത്. വ്യാഴാഴ്ച വൈകുന്നേരം ആറുമണിയോടെ മേലാറ്റുമൂഴി ജങ്ഷനിൽ പോസ്റ്റ് ഓഫീസിനു സമീപമായിരുന്നു അപകടം.

advertisement

Also read- ‘അന്വേഷണമെന്ന പേരിൽ വിളിച്ച് മാനസികമായി പീ‍ഡിപ്പിച്ചു’; കൊല്ലത്ത് ജീവനൊടുക്കിയ 21കാരന്റെ മൃതദേഹവുമായി ബന്ധുക്കൾ പൊലീസ് സ്റ്റേഷൻ ഉപരോധിച്ചു

നിരപ്പായ റോഡിലൂടെ വരുകയായിരുന്ന ഓട്ടോ നിയന്ത്രണംവിട്ട് തലകീഴായി മറിയുകയായിരുന്നുവെന്ന് നാട്ടുകാർ പറഞ്ഞു. ഓട്ടോയുടെ അടിയിൽപ്പെട്ട അഭിനവിന് ഗുരുതരപരിക്കുണ്ടായിരുന്നു. പരിക്കേറ്റവരെ ഉടൻതന്നെ സമീപത്തെ ആശുപത്രിയിൽ എത്തിച്ചെങ്കിലും രാത്രി പതിനൊന്നരയോടെ അഭിനവ് മരിച്ചു. പോസ്റ്റ്മോർട്ടത്തിനുശേഷം വൈകീട്ടോടെ വീട്ടിലെത്തിച്ച  മൃതദേഹം വീട്ടുവളപ്പിൽ സംസ്കരിച്ചു.