സമുദായത്തിന്റെ പേരിൽ വോട്ട് അഭ്യർത്ഥിച്ചെന്ന പരാതിയിൽ ഫാത്തിമ തെഹ്‌ലിയക്ക് തിരഞ്ഞെടുപ്പ് കമ്മീഷന്റെ നോട്ടീസ് 

വീടുകളില്‍ നേരിട്ടെത്തി സമുദായം പറഞ്ഞ് വോട്ട് ചോദിച്ചു എന്നാണ് പരാതി. പരാതിയിൽ വ്യക്തമായ വിശദീകരണം നല്‍കണമെന്ന് കമ്മീഷന്‍ ആവശ്യപ്പെട്ടിട്ടുണ്ട്. രണ്ട് ദിവസത്തിനുള്ളില്‍ സ്ഥാനാര്‍ത്ഥി ഇതിന് മറുപടി നല്‍കുമെന്നാണ് റിപ്പോര്‍ട്ട്.

അതേസമയം, പേരാമ്പ്രയിലെ തെരഞ്ഞെടുപ്പ് പ്രചാരണവുമായി ബന്ധപ്പെട്ട് മുന്നണികള്‍ പോര് ശക്തമാവുകയാണ്. നേരത്തെ എല്‍ഡിഎഫിനെതിരെ യുഡിഎഫ് രംഗത്തെത്തിയിരുന്നു. ഫാത്തിമ തെഹ്‌ലിയക്കെതിരെ മതസ്പര്‍ധ വളര്‍ത്തുന്ന രീതിയിലുള്ള പ്രചാരണമാണ് എല്‍ഡിഎഫ് നടത്തുന്നതെന്ന് കാണിച്ച് യുഡിഎഫ് ജില്ലാ ചെയര്‍മാന്‍ ബാലനാരായണന്‍ തെരഞ്ഞെടുപ്പ് കമ്മീഷന് പരാതി നല്‍കി. എല്‍ഡിഎഫിന്റെ പ്രചാരണ വാഹനത്തിലെ അനൗണ്‍സ്‌മെന്റ് വീഡിയോ സഹിതമായിരുന്നു പരാതി നൽകിയത്.

advertisement