ഓവ‍‍ർടേക്ക് ചെയ്യാൻ ശ്രമിക്കുന്നതിനിടെ എതിരെ വന്ന ബൈക്കുമായി കുട്ടിയിടിച്ച് ബൈക്ക് യാത്രികൻ മരിച്ചു

പാച്ചല്ലൂരിലെ വീട്ടിൽ നിന്ന് നഗരത്തിലേക്ക് വരികയായിരുന്നു ആരിഫ്. കമലേശ്വരത്ത് വെച്ച് മുന്നിലുണ്ടായിരുന്ന ലോറിയെ മറികടക്കാൻ ശ്രമിക്കുന്നതിനിടെ എതിരെ വന്ന ബൈക്കുമായി ആരിഫിന്റെ ബൈക്ക് കൂട്ടിയിടിച്ചു. ഇതോടെ നിയന്ത്രണം നഷ്ടപ്പെട്ട് ആരിഫ് ലോറിക്കടിയിലേക്ക് വീഴുകയായിരുന്നു. ഉടൻ തന്നെ പോലീസും നാട്ടുകാരും ചേർന്ന് ആംബുലൻസിൽ മെഡിക്കൽ കോളേജ് ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മുഹമ്മദ് അഷറഫിന്റെയും സുമയ്യയുടെയും മകനാണ് ആരിഫ്. റിസ്വാൻ, അഫ്സൽ എന്നിവർ സഹോദരങ്ങളാണ്.