പൊലീസ് വെട്ടിൽ; സുരേന്ദ്രനെതിരെ കോടതിയിൽ സമർപ്പിച്ച റിപ്പോർട്ടിൽ ഗുരുതരപിഴവ്

യതീഷ് ചന്ദ്രയെ തൃശൂരിൽ ചാർജെടുക്കാൻ അനുവദിക്കില്ലെന്ന് എ.എൻ രാധാകൃഷ്ണൻ

കെ. സുരേന്ദ്രനെതിരെ നിലവിലുണ്ടെന്ന് പൊലീസ് പറയുന്ന 7 കേസുകളില്‍ 5 എണ്ണം തിരുവനന്തപുരം കന്റോണ്‍മെന്റ് പൊലീസ് സ്‌റ്റേഷനിലാണ്. ഇതില്‍ 5 ലും സുരേന്ദ്രന്‍ പ്രതിപോലുമല്ലെന്നതാണ് വസ്തുത. സുരേന്ദ്രനെതിരെ ഹാജരാക്കിയ 1198/2018 എന്ന കേസ് അസ്വാഭാവിക മരണത്തിന് മറ്റൊരു വ്യക്തിക്കെതിരെ ചാര്‍ജ് ചെയ്തതാണ്. പൊലീസ് റിപ്പോർട്ടിലുള്ള 705/2015 എന്ന കേസ് മദ്യപിച്ച് വാഹനമോടിച്ചതിന് ഒരു ഓട്ടോ ഡ്രൈവര്‍ക്കെതിരെ രജിസ്റ്റര്‍ ചെയ്തതാണ്. മറ്റൊരു കേസ് നമ്പരായ 1524/2018 രജിസ്റ്റര്‍ ചെയ്തിട്ടുപോലുമില്ല. മറ്റ് രണ്ട് കേസുകളാവട്ടെ ബിജെപി സമരവുമായി ബന്ധപ്പെട്ടതാണെങ്കിലും സുരേന്ദ്രന്‍ പ്രതിയല്ല. ഗുരുതരപിഴവാണ് പൊലീസിന് സംഭവിച്ചത്.

advertisement

സു​രേ​ന്ദ്ര​നെ സി​പി​എം ക​ള്ള​ക്കേ​സി​ൽ കു​ടു​ക്കു​ന്നു​: ശ്രീ​ധ​ര​ൻ​പി​ള്ള

പമ്പ പൊലീസിന്റെ റിപ്പോര്‍ട്ട് കോടതി തള്ളി. തുടര്‍ന്ന് പിഴവ് തിരുത്തി പുതിയ റിപ്പോര്‍ട്ട് പൊലീസ് കോടതിയില്‍ സമര്‍പ്പിക്കുകയായിരുന്നു. പുതിയ റിപ്പോര്‍ട്ട് പ്രകാരം സുരേന്ദ്രനെതിരെ 5 കേസുകളാണ് നിലവിലുള്ളത്. കന്റോണ്‍മെന്റ് സ്‌റ്റേഷനില്‍ 3 കേസുകളുണ്ട്. ഇത് മൂന്നും സെക്രട്ടേറിയറ്റ് സമരവുമായി ബന്ധപ്പെട്ടാണ്. കേസ് നമ്പര്‍ രേഖപ്പെടുത്തിയപ്പോഴുണ്ടായ പിഴവെന്നാണ് പൊലീസ് വിശദീകരണം. പക്ഷേ സുരേന്ദ്രന് ജാമ്യം നിഷേധിക്കാന്‍ പൊലീസ് ഗൂഢാലോചന നടത്തുന്നുവെന്ന ആരോപണം നിലനിൽക്കെ പോലീസ് റിപ്പോര്‍ട്ട് ബിജെപിയും ആയുധമാക്കുകയാണ്.