വിവാദമുണ്ടാക്കുന്നത് എൽഡിഎഫ് തന്ത്രം; വെൽഫെയർ പാർട്ടി നോട്ടീസിൽ പേരുവന്നതെങ്ങനെയെന്ന് അറിയില്ലെന്ന് ഫാത്തിമ തെഹ്‌ലിയ

ഇത്രയും കാലം പേരാമ്പ്ര മണ്ഡലത്തിൽ വെൽഫെയർ പാർട്ടിയുടെ വോട്ട് വാങ്ങി വിജയിച്ച എൽഡിഎഫ് തന്നെയാണ് ഇപ്പോൾ വിവാദങ്ങൾക്ക് പിന്നിലെന്നും അവർ ആരോപിച്ചു. എപ്പോൾ മുതലാണ് വെൽഫെയർ പാർട്ടിയുമായി എൽഡിഎഫിന് ബന്ധം നഷ്ടപ്പെട്ടതെന്നും താൻ എവിടെയാണ് നോമിനിയായി മാറുന്നതെന്ന് എൽഡിഎഫ് തെളിയിക്കട്ടെയെന്നും അവർ വെല്ലുവിളിച്ചു.

കമ്മിറ്റി തീരുമാനിച്ചാൽ വെൽഫെയർ പാർട്ടിയുടെ പരിപാടിയിൽ പങ്കെടുക്കുമോ എന്ന ചോദ്യത്തിന് അത് തീരുമാനിക്കേണ്ടതും കമ്മിറ്റിയാണെന്നായിരുന്നു ഫാത്തിമ തെഹ്ലിയയുടെ മറുപടി. വെൽഫെയർ പാർട്ടിയുടെ പിന്തുണ സ്വീകരിക്കുമോ എന്ന കാര്യത്തിൽ, ആർക്ക് വോട്ട് ചെയ്യണമെന്ന് തീരുമാനിക്കേണ്ടത് ആ പാർട്ടിയാണെന്നും അവർ കൂട്ടിച്ചേർത്തു.സമുദായത്തിന്റെ പേര് പറഞ്ഞ് വോട്ട് അഭ്യർത്ഥിച്ചെന്ന പരാതിയിൽ തനിക്ക് നോട്ടീസ് ലഭിച്ചിട്ടില്ലെന്നും ഫാത്തിമ തെഹ്ലിയ വ്യക്തമാക്കി.

advertisement