'പ്രായപൂർത്തിയാകാത്ത ഒരു കുട്ടിയുൾപ്പടെ പത്തോളം പേരെ പീഡിപ്പിച്ചു' രാഹുൽ മാങ്കൂട്ടത്തിലിനെതിരെ ആദ്യ പരാതിക്കാരി സുപ്രീം കോടതിയിൽ

. യുവതിയെ പീഡിപ്പിക്കുകയും നിർബന്ധിത ഗർഭഛിദ്രത്തിന് ഇരയാക്കുകയും ചെയ്തുവെന്ന പരാതിയിൽ ഹൈക്കോടതി നേരത്തെ രാഹുലിന് മുൻകൂർ ജാമ്യം നൽകിയിരുന്നു. എന്നാൽ ഹൈക്കോടതിയുടെ നടപടി നിയമവിരുദ്ധമാണെന്ന് ആരോപിച്ചാണ് യുവതി സുപ്രീം കോടതിയിൽ ഹർജിനൽകിയത്.

രാഹുൽ മുൻകൂർ ജാമ്യത്തിൽ കഴിയുന്നത് തന്റെ ജീവന് വലിയ ഭീഷണിയാണെന്നും ഹർജിയിൽ പറയുന്നുണ്ട്. കീഴ്ക്കോടതിയുടെ നടപടികളെ രൂക്ഷമായി വിമർശിച്ച പരാതിക്കാരി, ഹൈക്കോടതി ഈ കേസിൽ ഒരു 'മിനി വിചാരണ' തന്നെ നടത്തിയെന്നും ആരോപിക്കുന്നു.

കേസ് അന്വേഷണ ഘട്ടത്തിലിരിക്കെ പരാതിക്കാരിക്കെതിരെ കോടതി നടത്തിയ പരാമർശങ്ങൾ അനുചിതവും നിയമവിരുദ്ധവുമാണെന്നും അത് റദ്ദാക്കണമെന്നും ഹർജിയിൽ ആവശ്യപ്പെട്ടിട്ടുണ്ട്. കേസിലെ ആദ്യ പരാതിക്കാരിക്കായി അഭിഭാഷകൻ കെ.ആർ. സുഭാഷ് ചന്ദ്രൻ മുഖേനയാണ് ഹർജി സമർപ്പിച്ചത്.

advertisement