പാലക്കാട് ഫു‍‌ട്‌ബോൾ ടൂർണമെന്റിനിടെ ​ഗാലറി തകർന്നുവീണു; നിരവധി പേർക്ക് പരിക്ക്

ഇവിടെ ഒരു മാസമായി നടന്നുവരുന്ന ഫു‍ട്‌ബോൾ മത്സരമായിരുന്നു. പരിക്കേറ്റവരെ വിവിധ ആശുപത്രികളിൽ പ്രവേശിപ്പിച്ചിരിക്കുകയാണ്. ആരുടെയും പരിക്ക് ​ഗുരുതരമല്ല. സംഭവത്തെ തുടർന്ന് പൊലീസ് സ്ഥലത്തെത്തിയിരുന്നു.

വല്ലപ്പുഴയിൽ കനിവ് സാംസ്കാരിക വേദിയുടെ നേതൃത്വത്തിൽ ഒരു മാസമായി സെവൻസ് ഫുട്ബോൾ മത്സരം നടക്കുന്നുണ്ട്. ഫൈനൽ മത്സരത്തിനു പ്രതീക്ഷിച്ചതിലും ഏറെപ്പേർ എത്തിയതാണു ഗാലറി തകരാൻ കാരണമായതെന്നാണ് പ്രാഥമിക നി​ഗമനം.