കൊല്ലത്ത് ചുരിദാർ ധരിച്ചെത്തിയ പ്രധാനാധ്യാപികയെ സ്കൂൾ അധികൃതർ പുറത്തുനിർത്തി

ചുരിദാർ ധരിച്ചെത്തിയതിനെ സ്കൂൾ മാനേജർ എതിർത്തതായും അദ്ദേഹത്തിന്റെ നിർദ്ദേശപ്രകാരം ഗേറ്റ് കീപ്പർ തന്നെ അകത്തേക്ക് പ്രവേശിപ്പിക്കാതെ തടഞ്ഞതായും അധ്യാപിക ആരോപിച്ചു.

പോലീസെത്തിയാണ് അധ്യാപികയെ സ്‌കൂളിനുള്ളിലേക്ക് പ്രവേശിപ്പിച്ചത്. എന്നാൽ അധ്യാപികയെ തടഞ്ഞിട്ടില്ലെന്നാണ് സ്‌കൂൾ മാനേജരുടെ വിശദീകരണം.

എന്നാൽ സ്കൂൾ അധികൃതരുടെ ഭാഗത്ത് നിന്നും തനിക്ക് ഇതിനുമുൻപും സമാന അനുഭവം ഉണ്ടായിട്ടുണ്ടെന്ന് അധ്യാപിക പറഞ്ഞു.