കെട്ടിട ലൈസൻസ് നൽകാൻ കൈക്കൂലി വാങ്ങിയ ഹെൽത്ത് ഇൻസ്പെക്ടർക്ക് സസ്പെൻഷൻ

റസിഡൻഷ്യൽ കെട്ടിടത്തിന് ലൈസൻസ് നൽകാമെന്ന് പറഞ്ഞ് 8000 രൂപയാണ് ഇയാൾ കെട്ടിട ഉടമയിൽ നിന്നും കൈക്കൂലിയായി വാങ്ങിയത്.  താൻ പണം വാങ്ങിയതായി തൃക്കാക്കര നഗരസഭാ സെക്രട്ടറിക്ക് മുന്നിൽ നിതീഷ് സമ്മതിക്കുന്ന ദൃശ്യങ്ങൾ പുറത്തുവന്നിരുന്നു.

സംഭവം വിവാദമായതോടെ കൈക്കൂലിയായി വാങ്ങിയ തുക കെട്ടിട ഉടമയ്ക്ക് ഗൂഗിൾപേ വഴി തിരികെ നൽകിയിരുന്നു.  തുടർന്ന് അന്വേഷണ വിധേയമായി പ്രിൻസിപ്പൽ ഡയറക്ടർ നിതീഷിനെ സസ്പെൻഡ് ചെയ്യുകയായിരുന്നു.