TRENDING:
നിലവിലെ വേള്ഡ് ചാമ്പ്യനെ പരാജയപ്പെടുത്തിയാണ് രമ്യ ബാലൻ്റെ തിരിച്ചു വരവ്. വ്യക്തിഗത മത്സരങ്ങളില് സ്വര്ണ്ണം, വെള്ളി മെഡലുകളും വെറ്ററന്സ് വിഭാഗത്തില് ബെസ്റ്റ് പ്ലെയര് അവാര്ഡും നേടിയാണ് രമ്യ ചാമ്പ്യന്ഷിപ്പിലെ താരമായത്. പയ്യന്നൂര് മാസ്റ്റേഴ്സ് തൈക്കോണ്ടോ അക്കാഡമിയില് പരിശീലകയാണ് രമ്യ ബാലന്. വേള്ഡ് റെക്കോര്ഡ് ജേതാവും, പ്രമുഖ തൈക്കോണ്ടോ അദ്ധ്യാപകനുമായ ഡോ. വേണുഗോപാല് കൈപ്രത്തിൻ്റെ ശിക്ഷണത്തിലാണ് നിലവില് പരിശീലനം നടത്തിവരുന്നത്.
advertisement
പെരിങ്ങോം പൊലീസ് സ്റ്റേഷനിലെ എ എസ് ഐ സി കെ രമേശൻ്റെ ഭാര്യയാണ് രമ്യ. മൂത്ത മകള് ആര് കൃഷ്ണ ചാമ്പ്യന്ഷിപ്പില് വ്യക്തിഗത പാറ്റേണില് ഗോള്ഡും, ഗ്രൂപ്പ് പാറ്റേണില് ഗോള്ഡും, സെല്ഫ് ഡിഫന്സില് ഗോള്ഡും, സ്പാറിംഗില് ബ്രോണ്സും നേടിയപ്പോള്, ഇളയ മകള് ആര് വൈഷ്ണ ഇൻ്റിവിജ്വല് സ്പാറിംഗില് ബ്രോണ്സ് മെഡലും നേടി. പയ്യന്നൂര് മഹാദേവ ഗ്രാമം സ്വദേശിനിയാണ് രമ്യ ബാലന്. എങ്ങും ലൈംഗീക ചുവയുടെ നോട്ടങ്ങളോട് പ്രതികരിക്കാനും ജീവിതത്തിലുണ്ടാകുന്ന തടസ്സങ്ങള് മറികടക്കാനുള്ള ആവേശവുമാണ് ഈ അമ്മ മക്കള്ക്ക് നല്കുന്നത്. അമ്മയുടെ പാത പിന്തുടരുന്ന മക്കളും ഇന്ന് ഉയരത്തിലേക്ക് പറക്കുകയാണ്, അതിര്വരമ്പുകളില്ലാത്ത സ്വപ്നങ്ങളിലേക്ക്.
Click here to add News18 as your preferred news source on Google.