തളിപ്പറമ്പ് ജൈവിക നഴ്‌സറിയില്‍ നിന്നും വികസിപ്പിച്ചെടുത്ത ഹൈബ്രിഡ് കുറ്റി കുരുമുളക് തൈകള്‍ ആണ് ജില്ലയിലെ 81 സി ഡി എസുകളിലെയും അയല്‍ക്കൂട്ടങ്ങള്‍, ജെ എല്‍ ജി കള്‍, ഐ എഫ് സി എന്നിവരുടെ നേതൃത്വത്തില്‍ എല്ലാ അയല്‍ക്കൂട്ടം അംഗങ്ങളുടെയും വീട്ടില്‍ എത്തിക്കുന്നത്. ആദ്യ ഘട്ടം എന്ന നിലയില്‍ നിലവില്‍ മൂന്ന് ലക്ഷം തൈകള്‍ ആണ് ജില്ലയില്‍ വിതരണം ചെയ്യുന്നത്. കടന്നപ്പള്ളി-പാണപ്പുഴ പഞ്ചായത്ത് സി ഡി എസിലെ പറവൂര്‍ കുണ്ടയാട് അംഗനവാടിയില്‍ വച്ച് പഞ്ചായത്ത് പ്രസിഡൻ്റ് ടി സുലജ ഉത്ഘാടനം ചെയ്തു.
advertisement
കുടുംബശ്രീ ജില്ലാ മിഷന്‍ കോര്‍ഡിനേറ്റര്‍ എം വി ജയന്‍, വൈസ് പ്രസിഡൻ്റ് കെ മോഹനന്‍, സി ഡി എസ് ചെയര്‍പേഴ്‌സണ്‍ കെ ജി ബിന്ദു, ക്ഷേമ കാര്യ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ ടി വി സുധാകരന്‍, ആരോഗ്യ വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍പേഴ്‌സണ്‍ എന്‍ കാര്‍ത്യായനി, മെമ്പര്‍ സെക്രട്ടറി എം വി പവിത്രന്‍, ബ്ലോക്ക് കോര്‍ഡിനേറ്റര്‍ പി വി സ്വപ്ന എന്നിവര്‍ പങ്കെടുത്തു. കുടുംബശ്രീ ജില്ലാ പ്രോഗ്രാം മാനേജര്‍ സൈജു പത്മനാഭന്‍ പദ്ധതി വിശദീകരണം നടത്തി സംസാരിച്ചു.
ജൂണ്‍ അഞ്ചു മുതല്‍ ജൂലൈ അഞ്ചു വരെ ജില്ലയിലെ 81 സി ഡി എസുകളിലുമായി 3 ലക്ഷം കുറ്റി കുരുമുളക് തൈകള്‍ നടും.