പ്രകൃതിക്ക് സംരക്ഷണം ഒരുക്കി കുരുന്നുകൾ, പരിസ്ഥിതി ദിനം വേറിട്ടതായി

ഈ പ്രകൃതിയെ മാലിന്യ മുക്തമാക്കുക എന്ന ലക്ഷ്യത്തിൽ യുണൈറ്റഡ് നേഷൻസ് എൻവയോൺമെൻ്റ് പ്രോഗ്രാമിൻ്റെ നേതൃത്വത്തിൽ എല്ലാ വർഷവും പരിസ്ഥിതി ദിനം ആചരിക്കുന്നു. മാലിന്യം തടയുക എന്നതാണ് ഇത്തവണത്തെ ലോക പരിസ്ഥിതി ദിനത്തിൻ്റെ പ്രമേയം. 1973 ജൂൺ അഞ്ചിനാണ് ഈ ദിനം ആദ്യമായി ആഘോഷിക്കപ്പെടുന്നത്.

പ്ലാസ്റ്റിക് മലിനീകരണത്തിൻ്റെ ആഘാതങ്ങളെക്കുറിച്ച് വളർന്നുവരുന്ന തലമുറയിൽ അവബോധിപ്പിക്കാൻ പള്ളൂരിലേ ഗണപതിവിലാസം ബേസിക് സ്കൂൾ അധ്യാപകരും വിദ്യാർത്ഥികളും ചേർന്നാണ് ലോക പരിസ്ഥിതി ദിനം ആഘോഷിച്ചത്. എല്ലാ കുരുന്നുകൾക്കും അധ്യാപകർ പരിസ്ഥിതി ദിന പ്രതിജ്ഞ ചൊല്ലി നൽകി.

advertisement

രാവിലെ ആരംഭിച്ച പരിസ്ഥിതി ദിന പരിപാടിയോടനുബന്ധിച്ച് സ്കൂൾ പരിസരം വിദ്യാർഥികളും അധ്യാപകരും ചേർന്ന് വൃത്തിയാക്കി. രക്ഷിതാക്കളും ഉദ്യമത്തിൽ ഒപ്പം ചേർന്നു.