പുതിയ ബസ് സ്റ്റാൻ്റ് പരിസരത്തെ നവീകരിച്ച നഗരസഭ വഴിയോര കച്ചവട കേന്ദ്രം ഹരിത കച്ചവട കേന്ദ്രമായി പ്രഖ്യാപിച്ചു. നഗരസഭാ ചെയര്‍പേഴ്‌സണ്‍ ജമുനാ റാണി ടീച്ചറാണ് ഹരിത കച്ചവട കേന്ദ്രമായി പ്രഖ്യാപിച്ചത്. നഗരസഭാ സെക്രട്ടറി സുരേഷ് കുമാര്‍ സ്വാഗതം പറഞ്ഞ ചടങ്ങിന് ആരോഗ്യവിഭാഗം സ്ഥിരം സമിതി ചെയര്‍പേഴ്‌സണ്‍ സാഹിറ ടി കെ അധ്യക്ഷതയും ക്ലീന്‍ സിറ്റി മാനേജര്‍ ഇന്‍ ചാര്‍ജ് ബിന്ദു മോള്‍ നന്ദിയും പറഞ്ഞു. ഹെല്‍ത്ത് ഇന്‍സ്‌പെക്ടര്‍മാരായ റെജിന വി, അനില്‍ കുമാര്‍, കുഞ്ഞിക്കണ്ണന്‍, രതീഷ് കുമാര്‍, നാഷണല്‍ അര്‍ബന്‍ ലൈവിലിഹുഡ് മിഷന്‍ മാനേജര്‍ ലിബിന്‍, ഹരിത കേരളം മിഷന്‍ റിസോസ് പേര്‍സണ്‍ ബാലന്‍ പൈലേരി, വഴിയോര കച്ചവടക്കാരുടെ സംഘടന നേതാക്കളായ ജയ്‌സണ്‍, പ്രകാശന്‍ തുടങ്ങിയവര്‍ ആശംസാഭാഷണം നടത്തി. നഗരസഭ ശുചീകരണ തൊഴിലാളികള്‍, വഴിയോര കച്ചവടക്കാര്‍, സന്നദ്ധ പ്രവര്‍ത്തകനും യുവ വ്യാപാരിയുമായ ജെറീഷ് കുമാര്‍ കെ പി, വഴി യാത്രക്കാര്‍ തുടങ്ങിയവര്‍ പങ്കെടുത്തു.
advertisement