TRENDING:
പള്ളൂര് പ്രിയദര്ശിനി യുവകേന്ദ്രയുടെ ഇരുപതാം വാര്ഷികാഘോഷമായ ഫെസ്റ്റിവ് 2025ൻ്റെ ഭാഗമായാണ് വനിതകളുടെ കൂട്ടായ്മയായ പ്രിയദര്ശിനി വനിതാവേദി മെഗാ തിരുവാതിര സംഘടിപ്പിച്ചത്. സായംസന്ധ്യയിലെ തിരുവാതിര കലാസ്വാദകര്ക്ക് വിരുന്നായിരുന്നു. കത്തിച്ച ഒരു നിലവിളക്കിനു ചുറ്റും വട്ടത്തില് പാട്ടിൻ്റെ താളത്തിനൊത്ത് പെണ്കുട്ടികള്, യുവതികള്, അമ്മമ്മാര് എന്നിവര് പരസ്പരം കൈകൊട്ടിക്കൊണ്ട് നൃത്തം ചെയ്തു. ഒരേ നിറത്തിലെ സാരി, ബ്ലൗസ് എന്നീ വേഷവിധാനത്തിലാണ് തിരുവാതിര കളിച്ചത്. പാട്ടിൻ്റെ താളത്തിനൊത്ത് ചുവടുവച്ചും കൈകള് കൊട്ടിയും മുന്നുറോളം വനിതകൾ അണിനിരന്ന സ്കൂള് ഗ്രൗണ്ട് കൗതുക കാഴ്ച്ചയായി.
advertisement
മാഹിയില് ആദ്യമായി ഒരു പൊതുപരിപാടിയില് ഇത്രയും അധികം അംഗങ്ങള് ചേര്ന്നുള്ള തിരുവാതിരക്കളി ആദ്യമായതിനാല് തന്നെ തിരുവാതിര കാണാന് നിരവധി പേരാണ് സ്കൂള് ഗ്രൗണ്ടില് തടിച്ചു കൂടിയത്.
Click here to add News18 as your preferred news source on Google.