വായനയ്ക്കായി മണ്‍വീട് ഒരുക്കി കുരുന്നുകള്‍, മാതൃകക്കാട്ടി അധ്യാപകരും

വിദ്യാര്‍ത്ഥികള്‍ക്ക് സ്വസ്ഥമായി ഇരുന്ന് വായിക്കാനും ചിത്രം വരയ്ക്കാനും മറ്റുമായാണ് മണ്‍വീടൊരുക്കിയത്. വിദ്യാര്‍ത്ഥികളും അധ്യാപകരും രക്ഷിതാക്കളും ഒന്നിച്ചതോടെ കുരുന്നുകള്‍ക്കായി ഒരുങ്ങിയത് മനോഹരമായൊരു വായനശാല. തുറന്ന വായനശാലയായി ഇറയവും, ആര്‍ട്ട് ഗ്യാലറിയായി മണ്‍വീടിൻ്റെ ഉള്‍വശവും ഒരുക്കിയ വീടാണ് ഇന്ന് കുട്ടികളുടെ ഇഷ്ടപ്പെട്ടിടം. ഫോണും സമൂഹമാധ്യമവും എല്ലാം ഭരിക്കുന്ന കുരുന്നുകളുടെ മനസ്സില്‍ ഇന്ന് പ്രകൃതിയും പഴമയുമാണ്. പതിയെ മറന്നുപോയ വായനാശീലം കുട്ടികളിലേക്ക് പകര്‍ന്നുനല്‍കുകയാണ് ഈ മണ്‍വീട്.