തിരഞ്ഞെടുപ്പ് സുരക്ഷ ഉറപ്പാക്കാൻ കൊളവല്ലൂരിൽ പോലീസ് - കേന്ദ്രസേന റൂട്ട് മാർച്ച്

കണ്ണൂര്‍ സിറ്റി പോലീസ് കമ്മീഷ്ണര്‍ നിധിന്‍രാജ് ഐ പി എസിൻ്റെ നിര്‍ദേശപ്രകാരമാണ് റൂട്ട് മാര്‍ച്ച് നടത്തിയത്. ചെറ്റക്കണ്ടിയില്‍ നിന്ന് ആരംഭിച്ച റൂട്ട് മാര്‍ച്ച് കല്ലിക്കണ്ടിയില്‍ സമാപിച്ചു. തിരഞ്ഞെടുപ്പിന് മുന്നോടിയായി സംസ്ഥാനത്ത് പോലീസ്, കേന്ദ്ര സേന തുടങ്ങിയ സുരക്ഷ സംരക്ഷണ സേനയുടെ നിരീക്ഷണവും ശക്തമാണ്.

വരാനിരിക്കുന്ന തെരഞ്ഞെടുപ്പ് മുന്നില്‍കണ്ട് പോലീസ് നടത്തിയ സുരക്ഷ ക്രമീകരണത്തോട് ആദരസൂചകമായി വ്യാപാരി വ്യവസായി ഏകോപന സമിതിയുടെ നേതൃത്വത്തില്‍ വ്യാപാരികള്‍ ചേര്‍ന്ന് കുടിവെള്ളവും മധുപലഹാരങ്ങളും നല്‍കി മാതൃകയായി. വേനല്‍ ചൂടില്‍ റൂട്ട് മാര്‍ച്ച് നടത്തിയ പോലീസുകാര്‍ക്ക് ഇത് ഏറെ ആശ്വാസമായി.

advertisement